नुवाकोट (हाम्रो खेलकुद) – ‘ए’ डिभिजनको सिएमजी क्लब संकटा दोस्रो संस्करणको नुवाकोट गोल्डकप फुटबल प्रतियोगिताको क्वाटरफाइनलमा प्रवेश गरेको छ ।

नुवाकोट आर्दश बहुमुखी क्याम्पसको खेल मैदानमा बिहीबार भएको खेलमा संकटाले आयोजक चितवन–११ लाई २–१ ले पराजित गर्दै अन्तिम आठमा पुग्न सफल भएको हो ।

संकटाको जितमा दुवै गोल विदेशी खेलाडीले गरे । चितवन–११ का सुरज कुमालले एक गोल गरे । खेलको ३४औं मिनेटमा मेसौकेको गोलबाट पहिलो हाफमा १–० को अग्रता बनाएको थियो । ६४औं मिनेटमा कोने बोरसले गोल गर्दै संकटाको अग्रता दोब्बर बनायो ।

७०औं मिनेटमा सुरेश कुमालले गोल गर्दै गोल अन्तर घटाउने प्रयास गरे । त्यसपछि दुवै टोलीबाट थप गोल निस्कन नसक्दा संकटा २–१ ले विजयी हुन सफल भयो । चितवनका सुरेश कुमाल खेलको म्यान अफ दि म्याच घोषित भए । उनले १० हजार रुपैया पाए ।

प्रतियोगितामा शुक्रबार आयोजक नुवाकोट–११ र विजय युथ क्लब हेटौडाबीच पहिलो क्वाटरफाइनल खेल हुनेछ ।

जिल्ला खेलकुद विकास समिति नुवाकोट र नुवाकोट फुटवल संघको आयोजनामा तथा विदुर नगरपालिकाको संरक्षकत्वमा भएको प्रतियोगितामा नुवाकोट ११, विभागिय टोलीहरु नेपाल पुलिस, शसस्त्र प्रहरी बल र नेपाली आर्मी क्लबले सहभागिता जनाएका छन ।

त्यस्तै ए डिभिजनका क्लबहरु मनाङ, संकटा, च्यासल युथ क्लबल, चितवन ११, विजय युथ हेटौडा र काठमाण्डौको दिपशिखा युवा समुहसहित १० टोलीले सहभागिता जनाएका छन । प्

रतियोगिताको विजेताले ६ लाख र उपविजेताले ३ लाख रुपैयाँ प्राप्त गर्नेछन । प्रतियोगिता आगामी जेठ ३१ गतेसम्म सन्चालन हुने बताइएको छ ।