काठमाडौं (हाम्रो खेलकुद) – नेपाली राष्ट्रिय फुटबल टोलीले बिहीबार भएको मैत्रीपूर्ण खेलमा चाइनिज ताइपेइलाई १-१ को बराबरीमा रोक्यो । नेपालका लागि अभिषेक रिजालले खेलको दोस्रो हाफमा गोल गरेका थिए ।

नेपालले चाइनिज ताइपेइविरुद्ध गोल गर्दै सातौं खेलमा गोलको खडेरी अन्त्य गरेको छ । पछिल्लोपटक नेपालले साफ च्याम्पियनसिपमा बंगलादेशविरुद्ध गोल गरेको थियो । समूह चरणको अन्तिम खेलमा नवयुग श्रेष्ठले ९० औं मिनेटमा गोल गरेपछि नेपालले ६ खेलमा गोल गर्न सकेको थिएन ।

नेपालले गत मार्चमा मात्र योहान कालीनलाई राष्ट्रिय टोलीको प्रशिक्षकको जिम्मेवारी सुम्पिएको थियो । उनले प्रशिक्षण सम्हालेपछि नेपालले पहिलो खेलमा कुवेतविरुद्ध गोलरहित बराबरी र दोस्रो खेलमा कुवेतविरुद्ध १-० को हार बेहोरेको थियो । यसै साता भएको खेलमा नेपालले मलेसियाविरुद्ध २-० को हार बेहोरेको थियो ।

गोल गर्न नसकेको लगातार ६ खेल :
१२ सेप्टेम्बर २०१८ – साफ च्याम्पियनसिप सेमिफाइनल – माल्दिभ्सविरुद्ध ३-० हार
२ अक्टोबर २०१८ – बंगबन्धु गोल्डकप – ताजिकिस्तानविरुद्ध २-० हार
६ अक्टोबर २०१८ – बंगबन्धु गोल्डकप – प्यालेस्टाइनविरुद्ध १-० हार
२१ मार्च २०१९ – अन्तर्राष्ट्रिय मैत्रीपूर्ण – कुवेतविरुद्ध ०-० बराबरी
२५ मार्च २०१९ – अन्तर्राष्ट्रिय मैत्रीपूर्ण – कुवेतविरुद्ध १-० हार
२ जुन २०१९ – अन्तर्राष्ट्रिय मैत्रीपूर्ण – मलेसियाविरुद्ध २-० हार
६ जुन २०१९ – अन्तर्राष्ट्रिय मैत्रीपूर्ण – चाइनिज ताइपेइविरुद्ध १-१ बराबरी