एजेन्सी – १ जुनमा क्लब फुटबलको चर्चित युइएफए च्याम्पियन्स लिगको फाइनल खेल हुदैछ । फाइनलमा दुई इंग्लिस क्लब लिभरपुल र टोटेनहम हस्टपर प्रतिस्पर्धामा उत्रदैछन् । उनीहरु फाइनल जित्न अन्तिम तयारीमा जुटिसकेका छन् ।

खेलाडीको चोट पनि क्लबको लागि टाउको दुखाईको विषय हो । यसबीचमा लिभरपुलका प्रशिक्षक योर्गेन क्लोपले आफ्ना स्टार ब्राजिली फरवार्ड रोबर्टाे फिर्मिनो च्याम्पियन्स लिगको फाइनललाई तयार हुदा अर्का खेलाडी नावी केइटा अनफिट रहेको बताएका छन् ।

फिर्मिनोले सेमिफाइनलको दोस्रो लेगमा तथा केइटाले पहिलो लेगमा चोट बोकेका थिए । चोटकै कारण फिर्मिनो पछिल्लो चार खेलमा अनुपस्थित रहेका थिए ।

प्रिमियर लिग प्रतिद्वन्दी टोटेनहमसँग उपाधिका लागि भिड्न लागेको लिभरपुलले आफ्ना स्टार फरवार्ड फिर्मिनो च्याम्पियन्स लिगका लागि तयार रहेको बताएको हो ।प्रशिक्षक क्लोपले फिर्मिन्हो फिट भएपनि नाबी केईटा भने टिम बाहिर रहने बताएका छन् ।

२७ वर्षीय फिर्मिनोले बार्सिलोनाविरुद्धको सेमिफाइनलको दोस्रो लेगमा ४–० को जित निकालेको खेलमा चोटका कारण दर्शकदीर्घामा बसेर खेल हेरेका थिए ।

क्लोपले फिर्मिन्होको बिषयमा सार्वजनीक रुपमा बोल्दै मड्रिडमा हुने फाईनल खेलमा उनी तयार हुने बताए ।

क्लोपले फिर्मिनो एक साताअघिबाट अभ्यासरतमा फर्किएको र उनले अभ्यासमा राम्रो गरिरहँदा उनले पुनरागमन गर्न सक्ने बताएका छन् । प्रशिक्षक क्लोपले नावीले खेल्ने सम्भावना न्युन रहेको बताएका छन् ।