नवयुग श्रेष्ठ र सन्तोष श्रेष्ठको गोलमा त्रिभुवन आर्मी क्लब भुटानको बिआरसीलाई २–१ ले हराउँदै मोरङको उर्लाबारीमा जारी पाँचौ मदन भण्डारी अन्तराष्ट्रिय गोल्डकप फुटबल प्रतियोगिताको फाइनलमा पुगेको छ ।

आर्मीले सोमबार हुने फाइनलमा आयोजक मदन भण्डारी स्मृति प्रतिष्ठानसँग प्रतिस्पर्धा गर्नेछ ।
आर्मीले खेलको अधिकांश समय आफनो पक्षमा राखेपनि गोल संख्या बढाउन सकेनन् । खेलको अन्तिम १५ मिनेट भुटानले पुरै दवाबमा राख्दै खेलेपनि गोल गर्ने अवसर भने पाएन । आर्मीका नवयुग श्रेष्ठ र सन्तोष तामाङले गोल गरेभने भुटानका लागि एकमात्र गोल सुजल श्रेष्ठ फर्काएका थिए । खेलको म्यान अफ द म्याच आर्मीका नवयुग श्रेष्ठ घोषित भए ।
नवयुगले छैटौं मिनेटमा आर्मीलाई अग्रदा दिलाएका थिए । बिमल रानाले कर्नर नजिकबाट गरेको क्रसमा नयुगले गोल गरेका हुन् । ३७ औं मिनेटमा सन्तोषले गोलअन्तरलाई दोब्बर पारे । उनले पेनाल्टी बक्सबाट गोल गरेका थिए । इन्जुरी समयको दोस्रैो मिनेटमा सुजलले गोल फर्काएपनि टोलीको हार टरेन । ननयुग खेलको म्यान अफ दी म्याच बने ।
दुवै टोलीले १० खेलाडीमा सिमित हुँदै खेल अन्त्य गरेका थिए । भरत खवासले विपक्षी टोलीका माउसालाई हात हालेपछि रेफ्री नविन्द्र महर्जनले दुवैलाई रातो कार्ड देखाएका थिए । खेलको २८ औं मिनेटमा माउसाले भरतलाई फाउल हानेका थिए । त्यसपछि रिसमा भरतले माउसालाई हात हालेका थिए ।