एजेन्सी – नेसन्स लिगको लागि इंग्ल्यान्डले चोटबाट पुनरागमन गर्ने प्रयासमा रहेका कप्तान ह्यारी केनलाई समावेश गर्दै २३ सदस्यीय टोलीको घोषणा गरेको छ ।

इंग्ल्यान्डका प्रशिक्षक ग्यारेथ साउथगेटले गत अप्रिलबाट चोटका कारण मैदान बाहिर रहेपनि चोटबाट पुनरागमन गर्ने प्रयासमा रहेका कप्तान केनलाई टिममा समावेश गर्दै २३ सदस्यीय टोलीको घोषणा गरेका हुन् । टोटेनहमका केनले १ जुनमा लिभरपुलविरुद्धको च्याम्पियन्स लिगको फाइनल खेल्ने तयारी गरिरहेका छन् ।

प्रशिक्षक साउथगेटले २७ सदस्यीय टोलीबाट ह्यारी केनको कप्तानी मा २३ सदस्यीय टोलीको घोषणा गरेका हुन् । किरियन ट्रिपर, ह्यारी विङ्कस, जेम्स वार्ड प्राउज र नाथन रेडमन्डले टोलीमा स्थान बनाउन सकेनन् ।

नेसन्स लिग पोर्चुगलमा ६ जुनबाट ९ जुनसम्म सञ्चालन हुदै छ । इंग्ल्यान्डले सेमिफाइनलमा खेलमा ६ जुनमा नेदरल्यान्डसँग खेल्दैछ । फाइनल प्रवेश गरे इंग्ल्यान्डले ९ जुनमा पोर्चुगल र स्वीट्जरल्यान्डमध्ये एक सँग उपाधिका लागि प्रतिस्पर्धा गर्नेछ ।

पुर्ण टोली
गोलरक्षक – ज्याक बटल्यान्ड, टम हिटन र जोर्डन पिकफोर्ड
डिफेन्डर – ट्रेन एलेक्सन्डर अर्नाेल्ड, विन चिलवेल, माइकल किन, ह्यारी मगाएर, ड्यानी रोज, जोए गोमेज, जोन स्टोन्स र केयल वार्कर
मिडफिल्डर – रोस बार्कली, डेल अली, फावियन डेल्फ, इरिक डायर, जोर्डन हेन्डरसन, जेसे लिङ्गार्ड र डेक्लन राइस
फरवार्ड – ह्यारी केन, मार्कुस रासफोर्ड, जाडोन सान्चो, रहिम स्ट्रलिङ र कलुम विल्सन