टेरिन (एजेन्सी)– पाउलो डिबाला नयाँ सिजनका लागि कतै नजाने युभेन्टसले प्रष्ट पारेको छ । अर्जेन्टिनी स्ट्राइकर डिबालामाथि रियल म्याड्रिड, म्यानचेस्टर युनाइटेड र म्यानचेस्टर सिटीले चासो देखाएको बताइएको छ । यो सिजन उनका लागि भने सुखद भएन । सिजनमा २६ खेल खेल्दा १० गोल मात्र गरेका थिए ।

रियलबाट पछिल्लो सिजन क्रिस्टियानो रोनाल्डो युभेन्ट्स पुगेपछि डेबाला छायाँमा परेको अनुभव गरिएको छ । तर, डिबालाका दाजु गुस्टाभोले युभेन्टस छाड्ने राम्रो मौका रहेको बताएका कारण उनी अन्य क्लब जान सक्ने अड्कल काटिएको थियो ।

डिबाला दुई म्यानचेस्टर र रियल मध्ये एउटा क्लबमा ८५ मिलियन पाउन्डमा जान सक्ने सम्भावना रहेको बताइएको छ । तर युभेन्ट्सका खेलकुद निर्देशक फावियो पाराटिकीले डिबाला कतै नजाने दाबी गरे ।

‘उनी हाम्रो खेलाडी हुन् । हामीलाई उनीमाथि भरोसा छ ,’ उनले भने, ‘हामीले चार वर्षअघि नै सम्झौता गरेका हौ । त्यसमा नविकरण हुँदै जानेछ । उनी युभेन्ट्सका खेलाडी हुन् र हाम्रा लागि उनी महत्वपूर्ण छन् । ‘

२५ वर्षे डिबालाले भने सरुवाको हल्लालाई मथ्थर पार्ने प्रयास गरको छन् । ‘मेरो दाईको भनाई उसको आफ्नो विचार हो । मैले क्लब र फावियो पाराटिकीसँग कुरा गरेको छु र म के सोच्छु भन्ने उनीहरुलाई थाहा छ,’ उनले भने ।

त्यति मात्र होइन उनले युभेन्टसमा अर्को वर्ष पनि रहन चाहने बताएका छन् । ‘म यहाँ खेललाई निरन्तरता दिन चाहन्छु । यद्दपी क्लबले आफ्नो विकल्प सोच्न सक्छ,’ उनले भने, ‘नयाँ प्रशिक्षक आउन बाँकी छ । जे होस म यहि बस्न चाहन्छु ।’ पाँच सिजन युभेन्ट्समा बिताएका मासिमिलानो एलेग्रीको उत्तराधिकारीलाई भित्राउनेमा क्लब प्रयासरत छ ।