एजेन्सी – इटालियन सिरी ‘ए’ बाट एटलान्टा च्याम्पियन्स लिगलाई छनोट हुन सफल भएको छ । आइतबार राति भएको खेलमा सासुओलोलाई ३–१ ले पराजित गर्दै एटलान्टा च्याम्पियन्स लिगलाई छनोट हुन सफल भएको हो ।

च्याम्पियन्स लिगलाई छनोट हुने क्रममा एटलान्टाले इन्टर मिलान र एसी मिलानलाई पछि पार्यो । एटलान्टाले ३८ खेलबाट ६९ अंक जोडेर तेस्रो स्थानमा सिरी ‘ए’ अन्त्य गर्दा समान ६९ अंक नै रहेको इन्टर मिलान गोलअन्तरमा पछि पर्दै चौथो स्थानमा रहेको च्याम्पियन्स लिगलाई छनोट हुन सफल भयो । एटलान्टा पहिलो पटक च्याम्पियन्स लिगका लागि छनोट भएको हो ।

युभेन्टस र नेपोली च्याम्पियन्स लिगलाई छनोट भइसकेको अवस्थामा एटलान्टा, इन्टर मिलान र एसी मिलानले अन्तिम २ लागि प्रतिस्पर्धामा थिए । तीन टोलीले जित हात पारेपनि एटलान्टा र इन्टर मिलान च्याम्पियन्स लिगलाई छनोट हुन सफल हुदा एसी मिलान युरोपा लिगमा खुम्चियो ।

च्याम्पियन्स लिगलाई छनोट हुन जित्नै पर्ने खेलमा एटलान्टाले घरेलु मैदानमा ९ खेलाडीमा समेटिएको सासुओलोमाथि ३–१ को जित निकाल्न सफल भयो । एटलान्टाको जितमा डुभान जापाटा, एलेजान्द्रो गोमेज र मारियो पासालिकले गोल गरे । सासुओलोका डोमिनिको बेराडीले एक गोल फर्काए ।

१९औं मिनेटमा डोमिनिको बेराडीले गोल गर्दै ससुलोलाई शुरुवाती अग्रता दिलाएको थियो । ३५औं मिनेटमा डुभान जापाटाले बराबरी गोल फर्काए । पहिलो हाफको इन्ज्युरी समयमा ससुलो १० खेलाडीमा समेटियो । इन्ज्युरी समयको थप गरिएको पाँचौ मिनेटमा डोमिनिको सिधै रातो कार्ड खादै मैदानबाट बाहिरिएको थिए ।

सासुओलो १० खेलाडीमा समेटिएको फाइदा एटलान्टाले उठाउन सफल भयो । ५३औं मिनेटमा एलेजान्द्रोले गोल गर्दै एटलान्टालाई २–१ को अग्रता दिलाए । ६५औं मिनेटमा मारियोल गोल गरेपछि एटलान्टा ३–१ ले अघि बढ्यो । ८३औं मिनेटमा ससुलो ९ खेलाडीमा समेटियो । सासुओलोका फ्रान्सिस्को माग्नानेली दोहोरो रातो कार्ड खादै मैदानबाट बाहिरिएको थियो ।

अर्काे खेलमा इन्टर मिलानले इम्पोलीमाथि २–१ को जित निकाल्यो । एसी मिलानले एसपाललाई ३–२ ले पराजित गरेको थियो ।