एजेन्सी । राजनैतिक द्धनद्धका कारण आर्सनलका मिडफिल्डर हेनरिक मिखीटारयनले चेल्सीविरुद्ध अर्काे साता हुने युरोपा लिगको फाइनल खेल गुमाउने भएका छन् ।

युरोपा लिगको फाइनल खेल अजरबैजानको बाकुमा मे २९ मा हुदैछ । जहाँ दुई इंग्लिस टोली चेल्सी र आर्सनलले उपाधिका लागि प्रतिस्पर्धा गर्दैछ ।

लन्डन क्लब आर्सनलले चेल्सीविरुद्धविरुद्धको फाइनलमा अर्मेनियाका मिखीटारयनले नखेल्ने पुष्टि गर्दै यो निकै ‘ब्याड न्युज’ रहेको बताएका छन् । आर्सनलका प्रशिक्षक युनाई इम्रीले यसबारे मिखीटारयनसँग कुराकानी भएको र यो पारिवारिक विषय रहेकाले आफैले पनि नखेल्ने बताएका छन् ।

मिखीटारयनले गतवर्ष क्वाराबागविरुद्धको समूह चरणको खेलमा पनि अजरवैजान भ्रमण गरेका थिएनन् । प्रशिक्षक इम्रीले युइएफएलाई युरोपा लिगको फाइनल खेल बाकुमा आयोजना गर्न दिने निर्णयको समेत आलोचना गरेका छन् ।

‘अजरबैजान र अर्मेेनियाबीचको राजनीतिक द्वन्दको कारण उनलाई टिममा राख्न सकनौं । मिखीटारयनलाई टिममा समावेश नभएको घोषणा गर्दा हामीलाई दुःख लागेको छ । यो अवस्था बारेमा यूइएफएलाई पत्रचार गरिसकेका छौँ,’ आर्सनलले प्रेस बिज्ञप्तिमा उल्लेख गरेको छ । ‘यो ब्याड न्युज नै हो । तर, हामीले राजनीतिक समस्यालाई पनि बुझ्दै यसलाई आदर गर्नुपर्दछ । उनको टिमसँग खेल्ने इच्छा छ । अब यो सम्भव छैन ।’ प्रशिक्षक इम्रीले यो निर्णय मेरो हातमा नरहेको र उनको निर्णयलाई आदर गर्ने बताएका छन् ।

‘यसै कारणले पनि फाइनलमा चेल्सीका समर्थक बढी हुनेछन् । हाम्रा समर्थकहरु स्टेडियम आउन चहान्छन् । मलाई थाहा छ बाकु नजिकै आर्सनलका धेरै समर्थक छन् । मलाई विश्वास छ, स्टेडियम आर्सनलका समर्थकले भरिनेछ ।’ प्रशिक्षक युनाईले भने ।