म्याड्रिड (एजेन्सी)– रियल म्याड्रिडका समर्थकको रोजाईमा इडन हाजार्ड पहिलाृ नम्बरमा रहेका छन् । हाजार्ड चेल्सी छाड्ने मनस्थितिमा पुगेका छन् । स्पेनिस वेभसाइट एएसले गरेको सर्वोक्षणमा रियलका समर्थकले मत जाहेर गर्दा हाजार्ड शीर्षस्थानमा रहेका छन् । अर्को सिजन रियल समर्थक उनलाई क्लबको जर्सीमा देख्न चाहन्छन् ।

हाजार्ड शीर्षस्थानमा रहँदा समर्थकको रोजाइमा म्यानचेस्टर युनाइटेडका पाउल पोग्बा रोजाईको अन्तिममा रहेका छन् । कुल १ लाख ६० हजार मतमा फ्रान्सेली विश्व कप विजेता टोलीका सदस्य पोग्बाले १३ हजार ८ सय मत मात्र प्राप्त गरेका छन् ।

प्राप्त मतको झन्डै एक तिहाई ५३ हजार ७ सय मत हाजार्डले प्राप्त गरेका छन् । पछिल्लो साता उनले चेल्सीका समर्थकलाई अन्तिम विदाईका रुपमा हात हल्लाएका थिए । रियलका समर्थकले लुका जोभिचलाई दोस्रो रोजाईमा परेका छन् । उनले ३४ हजार ७ सय मत प्राप्त गरे ।

त्यस्तै क्रिस्टियन इरिक्सन तेस्रो, नेयमार चौथो, टानगाई एनडोमबेलो पाँचौं र पोग्बा छैटौं स्थानमा छन् । पछिल्लो केहि समय देखि रियल आउने सम्भावना रहेको बताइएका नेयमार पनि समर्थकको रोजाईमा पछाडि रहेका छन् ।

समर्थकको मत परिणाम
१. इडन हाजार्ड -५३,७००
२. लुका जोभिच -३४,७००
३. क्रिस्टियन इरिक्सन -२५,३००
४. नेयमार -१६,९००
५. टानगाई एनडोमबेले – १६,४००
६. पाउल पोग्बा – १३,८००