काठमाडौं (हाम्रो खेलकुद) – नेपाली राष्ट्रिय फुटबल टोलीका प्रशिक्षक योहान कालीनले मलेसिया र चाइनिज ताइपेइविरुद्ध हुने दुई मैत्रीपूर्ण खेलका लागि अन्तिम टोली घोषणा गरेका छन् ।

प्रशिक्षक कालीनले झन्डै २ साता प्रशिक्षणपछि टोली घोषणा गरेका हुन् । टोलीमा स्टार फरवार्ड विमल घर्तिमगर, हेमन गुरुङ र भरत खवासले टोलीमा स्थान बनाउन सकेनन् । उनीहरु पूर्ण रुपमा फिट नभएका कारण टोलीमा नपरेको प्रशिक्षक कालीनले बताए । तीनै खेलाडी गत साता विश्राममा रहेर पछिल्लो केहि दिन हल्का प्रशिक्षणमा सामेल भएका थिए ।

‘विमल, भरत र हेमन पूर्ण रुपमा फिट थिएनन् । हामीले दुई महत्त्वपूर्ण खेल खेल्दैछौं र उचित विकल्प रहेकाले उनीहरुलाई विश्राम दिने भएका हौं । पछिल्लो खेलबाट युवा खेलाडीहरु पनि समावेश भएपछि प्रशिक्षण निकै राम्रो रहयो । हामीले दिर्घकालिन रुपमा टोलीलाई तयार पर्न खोजेका हौं,’ कालीनले भने ।

नेपालले जुन २ मा मलेसिया र जुन ६ मा चाइनिज ताइपेइसँग खेल्दैछ । यसअघि कालीनको प्रशिक्ष्कत्वमा नेपालले कुवेतविरुद्ध एक बराबरी र एक हार बेहोरेको थियो ।

अन्तिम टोली :

गोलरक्षक : किरण चेम्जोङ, एलन न्यौपाने, विकेश कुथु

डिफेन्डर : विराज महर्जन, सरोज दाहाल, रजिन धिमाल, सुमन अर्याल, अनन्त तामाङ, अजित भण्डारी, देवेन्द्र तामाङ, रवी सिलवाल

मिडफिल्डर/फरवार्ड : तेज तामाङ, सुनिल बल, विशाल राई, रोहित चन्द, विक्रम लामा, सन्तोष तामाङ, सुजल श्रेष्ठ, विमल राना, रविशंकर पासवान, अभिषेक रिजाल, अन्जन विष्ट, नवयुग श्रेष्ठ