default_image

6 years ago

May 19, 2019

एमबाप्पेको दुई गोलसँगै पीएसजीको फराकिलो जित

61 views

0 Bookmark

एजेन्सी – तीन खेलको प्रतिबन्धपछि खेलमा फर्किएको युवा स्टार केलियन एमबाप्पेले दुई गोल गरेसँगै पेरिस सेन्ट जर्मेन (पीएसजी)ले फ्रेन्च लिग वानमा फराकिलो जित निकालेको छ ।

शनिबार राति घरेलु मैदानमा भएको खेलमा पीएसजीले डिजोनलाई ४–० को फराकिलो अन्तरले पराजित गरेको हो । एन्जल डि मारिया र एडिन्सन काभनीले समान १ गोल गरे ।

खेलको तेस्रो मिनेटमै पीएसजीले एन्जल डि मारियाको गोलबाट अग्रता बनाएको थियो । उनले जुलियन ड्राक्सलरको पासमा गोल गरेका थिए । त्यसको एक मिनेट पछि नै इडिन्सन काभनीले गोल गरेपछि पीएसजीले सुरुमै २–० को अग्रता बनायो । काभनीले डि मारियाको पासलाई सदुपयोग गरेका थिए ।

एकपक्षीय बनेको खेलको ३६औं मिनेटमा एमबाप्पेले गोल गरेपछि पीएसजी पहिलो हाफमा ३–० को आरामदायी अग्रता लिन सफल भएको थियो । एमबाप्पे ३ खेलको प्रतिबन्धपछि खेलमा पुनरागमन गरेका हुन् । फ्रेन्च कप दौरान एमबाप्पेले रातो कार्ड खादै मैदानबाट बाहिरिएका थिए । त्यसपछि पनि एमबाप्पेलाई थप प्रतिबन्ध सुनाइएको थियो ।

५६औं मिनेटमा एमबाप्पेलाई व्यक्तिगत दोस्रो गोल गर्दै टिमलाई ४–० को फराकिलो जित दिलाए । दुई गोलगरेसँगै एमबाप्पे गोल्डेन बुटको लागि बार्सिलोनाका लियोनेल मेस्सीभन्दा २ गोल पछाडि उभिएका छन् । मेस्सीले ३४ गोल गरेका छन् । एमबाप्पेको ३२ गोल रहेको छ । पीएसजीले अझै एक खेल खेल्न बाँकी छ । अन्तिम खेलमा एमबाप्पेले दुई भन्दा बढी गोल गरे गोल्डेन बुट जित्नेछन् ।

लिग वान च्याम्पियन बनिसकेको पीएसजीले जितसँगै ३७ खेलबाट ९१ अंक पुगेको छ । पराजित डिजोन ३१ अंकसहित रेलिगेसन जोनको १९औं स्थानमा छ ।

January 20, 2025

एपिएफसँग पुलिस फेरि पराजित

काठमाडौं (हाम्रो खेलकुद)- एन्फा महिला लिगको अन्तिम चरणको सातौं खेलमा पनि एपिएफ फुटबल क्लबले विजय यात्रालाई जारी राखेको छ। सातदोबाटोस्थित एन्फा कम्प्लेक्सको मैदानमा सोमवार भएको खेलमा शीर्ष टोली एपिएफले अर्को विभागीय टोली नेपाल पुलिस क्लबलाई‌ २-० ले हराएको छ। एपिएफका लागि रश्मि‌कुमारी घिसिङ र अनिता केसीले गोल गरे। दुवै गोल हेडमा भएको थियो। दुवै गोलमा […]

January 20, 2025

एन्फा यु १६ लिग – संकटा र मछिन्द्रको जित

काठमाडौं(हाम्रो खेलकुद) – एन्फा यु १६ लिगमा आज २ खेल भएका छन् । सातदोबाटो स्थित एन्फा कम्प्लेक्सको मैदानमा सोमवार संकटा फुटबल क्लब र मछिन्द्र फुटबल क्लब विजयी भएका छन् । पहिलो खेलमा मछिन्द्रले सातदोबाटो युथ क्लबलाई २-० ले पराजित गर्यो । मछिन्द्रको जितमा दुवै गोल राहुल कुमार योञ्जनले गरे । दोस्रो खेलमा संकटाले हिमालयन शेर्पा […]

January 20, 2025

सिटीको सानदार जित, युनाइटेड फेरि पराजित

एजेन्सी – इंग्लिस प्रिमियर लिगमा आइतवार म्यानचेस्टर सिटीले फराकिलो जित हासिल गरेको छ। अर्को खेलमा म्यानचेस्टर युनाइटेड पराजित भएको छ । सिटीले इप्स्विच टावनलाई ६–० ले हरायो । इप्स्वीचको मैदानमा भएको खेलमा सिटीलाई जित दिलाउन फिल फोडेनले २, माटेओ कोभासिक, जेरेमी डोकु, एर्लिङ हाल्यान्ड र जेम्स म्याकअटीले समान १ गोल गरे । सिटीका फोडेनले २७औं […]

Success

Thank you for your time.