10 years ago
August 31, 2015
क्यान र एन्फा विरुद्धको मैत्रीपुर्ण खेलमा एन्फा बिजयी भएको थियो |
पारस खड्का एन्फा विरुद्ध फुटबल खेल्दै
शुक्रबार दिनको तिन बजे एन्फा कम्पलेक्स सातदोबाटोमा माहोल निकै रोमाञ्चक थियो| एकतर्फ संविधानसभाका सभासद एवं एन्फा अध्यक्ष गणेश थापा र अर्कोतर्फ थिए क्रिकेट टिमका कप्तान पारस खड्का फुटबल बुट र जर्सी लगाएर खेल्न तम्तयार थिए| पूर्व राष्ट्रिय फुटबल खेलाडि र क्रिकेट एसोसिएसन अफ नेपाल (क्यान) बिचको मैत्रिपुर्ण खेलको क्रममा विभिन्न फुटबल र क्रिकेट हस्तिका साथसाथै सञ्चारकर्मीको पनि बाक्लै उपस्थिति थियो|
गणेश थापाको कप्तानीमा उत्रेको एन्फा टोलीमा धिरेन्द्र प्रधान, उपेन्द्रमान सिंह, राजुकाजी शाक्य, दिनेश व्यञ्जनकार, निराजन रायमाझी, राजेश मानन्धर लगाएतका खेलाडी थिए भने क्यान टोलीका नेतृत्व अध्यक्ष दिपक कोइरालाले गरेका थिए| पारस खड्का, ज्ञानेन्द्र मल्ल, भुवन कार्की, मन्जित श्रेष्ठ लगाएतका खेलाडीहरु जर्सी लगाएर तयार देखिन्थे|
क्यानका लागि छुम्बी लामाले पहिलो गोल गरेर अग्रता दिलाएपनि त्यो गोल हार टार्न भने पर्याप्त रहेन| गौरव थापा र सुरेन्द्र श्रेष्ठको दुई-दुई गोलको सहायताले एन्फा टोली ७-१ ले बिजयी भयो| एन्फाका लागि मन्जेश शाक्य, चेत नारायण श्रेष्ठ र नविन्द्र महर्जनले एक-एक गोल गरेका थिए| दुवै टोलीमा आ-आफ्नो संघका कर्मचारी एवं पधादिकारीको पनि सहभागिता थियो|
पारस खड्का एन्फा विरुद्ध फुटबल खेल्दै
खेलको अन्त्यपश्चात एन्फा अध्यक्ष गणेश थापाले वर्तमान राष्ट्रिय क्रिकेट टोलीका सम्पुर्ण सदस्यहरुलाई एक सेट ट्रयाकसुट उपहार प्रदान गरेका थिए| क्यानका तर्फबाट सो उपहार भूतपुर्व राष्ट्रिय टिमका कप्तान एवं बलिगं कोच विनोद दासले ग्रहण गरेका थिए|
March 21, 2025
सुमन अधिकारी, बुटवल रुपन्देहीको पुरानो तिलोत्तमा गोल्डकप फुटबल प्रतियोगिता शनिवार हुँदैछ । देविनगरस्थित एन्फा टेक्निकल खेलमैदान प्रतियोगिता आयोजना हुने प्रतियोगिताको तयारी पूरा भएको शुक्रवार पत्रकार सम्मेलन गरि रुपन्देही जिल्ला फुटबल संघका अध्यक्ष लोक पुनले बताए । उद्घाटन खेल आयोजक करेन्ट रुपन्देही ११ र एपिएफ फुटबल क्लबबीच हुनेछ । प्रतियोगितामा संकटा एफसी, मच्छिन्द्र एफसी, चर्च ब्याइज […]
March 21, 2025
काठमाडौं (हाम्रो खेलकुद)- फरवार्ड जिलेस्पी जंग कार्कीको गोलमा नेपालले सिंगापुरलाई अन्तर्राष्ट्रिय मैत्रीपूर्ण खेलमा पराजित गरेको छ । सिंगापुरको राष्ट्रिय रंगशालामा भएको खेलमा नेपाल १-० ले विजयी भएको हो । सिंगापुरको सिनियर पुरुष राष्ट्रिय टोलीमाथि नेपालको यो पहिलो जित हो । नेपालका लागि जिलेस्पीले खेलको १२ औं मिनेटमा गोल गरेका थिए । मनिष डाँगीले दाया विंगबाट दिएको […]
March 21, 2025
काठमाडौं (हाम्रो खेलकुद)- नेपालले सिंगापुरविरुद्धको अन्तर्राष्ट्रिय मैत्रीपूर्ण खेलमा अग्रता लिएको छ । सिंगापुरको नेसनल स्टेडियममा जारी खेलमा नेपालले जिलेस्पीजंग कार्कीको गोलमा अग्रता लिएको हो।उनले १२औं मिनेटमा गोल गरे । नेपालले सिंगापुरविरूद्धको औपचारिक खेलमा पहिलो पटक गोल गर्न सफल भएको हो। नेपालले एएफसी एसियन कप छनोट खेल्ने तयारीमा क्रममा मैत्रीपूर्ण खेल खेलको हो । अष्ट्रेलियन प्रशिक्षक […]
