म्युनिख (एजेन्सी)– आर्जेन रोबेनले सिजनको अन्त्यमा बायर्न म्युनिख छाडेपछि सन्यासका विषयमा गम्भिरतापूर्वक सोच्ने बताएका छन् । बायर्नमा १० वर्षका बिताएका रोबेनले जारी सिनजको अन्त्यसँगै क्लब छाड्ने बीबीसीले जनाएको छ ।

रोबेन इटालिन क्लब इन्टर मिलान वा आफनै सहरको ग्रोनिगेन जाने सम्भावना रहेको बताइएको छ । मंगलबार म्युनिखमा आयोजित पत्रकार सम्मेलनमा रोबेनले बार्यन छाडेपछि के भन्ने विषयमा आफुलाई नै थाहा नभएको बताए ।

उनले भनेका थिए, ‘चोटका कारण मैले निर्णय लिने सवालमा अलिक समय लिएको हु । म पहिला त मैदान फर्कन चाहेन्थे । ‘चोटका कारण नोभेम्बरदेखि मैदान बाहिर रहेका उनी दुई साता अघि मैदान फर्केका थिए ।

‘ इमान्दार भएर भन्नुपर्दा निर्णय लिने विषयमा श्रीमतिले सुझाउने छिन् । निर्णय लिने सजिलो काम होइन,’ रोबेनले थपे,’ यदि खेल्ने टुंगोमा पुगेमा आफुले आफ्नालाई टोलीमा ठाँउ बनाउन सक्नुपर्दछ । ‘

सबै खाले फुटबलबाट सन्यास लिने हो भन्ने प्रश्नमा उनको जवाफ थियो । सम्भव छ । सबै विकल्पमा खुला छु, उनले भने, तर मलाई थाहा छैन । के हुन्छ । ‘ बायर्नले सन् २०१३ मा तीन वटा उपाधि जित्दा नेदरल्यान्ड्का रोबेन टोलीको मुख्य सदस्य थिए ।

उनी आठौं पटक बुन्डेस लिगा उपाधि जित्ने क्रममा छन् । जसमा लगातार सात उपाधि हुनेछ । तर, त्इसका लागि शनिबार बायर्नले इन्ट्रयाक्ट फ्रान्कफर्टलाई हराउनुपर्नेछ ।

शनिबारको महोलको अनुमान गर्दा जिउका रौ ठाडो भएर आउनु रोबेनले स्वीकारे । ‘शनिबार उपाधि जित्ने । ७० हजार समर्थकका माझमा ,’उनले भने, ‘त्यो भन्दा राम्रो अरु के हुन सक्दैन ।’

क्लबका लागि आफ्नो अन्तिम लिग खेलबाट उनी उपाधि जित्न चाहन्छन् । यदि शनिबारको खेल जित्न नसेको खण्डमा भने सात वर्षयता पहिलो पटक बोरुसिया डर्टमुन्डले उपाधि जित्नेछ ।