काठमाडौं (हाम्रो खेलकुद)– नेपाली राष्ट्रिय फुटबल टोलीका गोलकिपर किरण चेम्जोङ हन्ड्रेड प्लसको ब्रान्ड एम्बेसडर नियुक्त भएका छन् । 

किरण र हन्ड्रेड प्लस आईसोटोनिक स्पोर्ट्स ड्रिंक को बिक्रेता आधिकारिक सारा ग्रुपका प्रबन्ध निर्देशक दीपक केसीले सम्झौता पत्रमा हस्ताक्षर गरेका थिए । किरण २ वर्षका लागि ब्रान्ड एम्बेसडर नियुक्त भएपनि रकम उल्लेख गरिएको छैन ।

कार्यक्रममा किरण, प्रबन्ध निर्देशक केसी, अखिल नेपाल फुटबल संघ (एन्फा) का अध्यक्ष कर्मा छिरिङ शेर्पा लगायतले हन्ड्रेड प्लस सार्वजनिक गरेको थियो । मलेसियन उत्पादन हन्ड्रेड प्लस अब देखि बजारमा पाइने सहाराले जानकारी दिएको छ ।

गोलकिपर किरणले सहारालाई आफुलाई ब्रान्ड एम्बेसडरका रुपमा नियुक्त गरेको खुसी व्यक्ति गर्दै हन्ड्रेड प्लसले नेपालमा बजार लिने विश्वास व्यक्त गरे ।

एन्फा अध्यक्ष शेर्पाले किरणलाई शुभकामना र सहारालाई धन्यवाद दिए । ‘हाम्रा सफल खेलाडीलाई तपाईहरुले ब्रान्ड एम्बेसडर नियुक्त गर्नुकोमा खुसी लागेको छ,’ उनले भने,‘ यो नेपाली फुटबल प्रतिको सम्मान हो । यसले किरणलाई अझै राम्रो खेल्ने प्रेरणा मिल्नेछ । ’

साराका प्रबन्ध निर्देशक केसीले आउने दिनमा अन्य खेलाडीलाई पनि ब्रान्ड एम्बसेडर बनाउने योजना रहेको सुनाए ।