लामुसाँघु (हाम्रो खेलकुद) – ए डिभिजन क्लब जावलाखेल युथ क्लब नेपाल आइस चौथो सिन्धु कप फुटबल प्रतियोगिताको फाइनल पुगेका छ ।

आयोजक युथ स्पोर्टस क्लबलाई बिहीबार पेनाल्टी सुटआउटमा ४–२ ले हराउँदै जावलाखेल उपाधि नजिक पुगेको हो । जावलाखेलले शनिबार उपाधिका लागि गोर्खा ब्वाइज क्लब रुपन्देहीको सामना गर्नेछ ।
सिन्धुपाल्चोक लामोसाँघु स्थित बसन्तपुर मैदानमा निर्धारित समय २–२ को बराबरी भएपछि खेलको छिनोफानो पेनाल्टी आउटमा गरिएको हो ।
जावलाखेलका विशाल तामाङ, सुजित बुठाथोकी, अरुज सिंह, र डानिल बेजेले गोल गरे । आयोजकको लागि कृजल खड्का र सुकृत मगरले मात्रै गोल गरे । पेनाल्टी सुटआउटमा आयोजकका विएम कुथु र सन्जिब लामा गोल गर्न चुके ।
जावलाखेल युथ क्लबका गोलरक्षक अरुन तामाङले आयोजकका सन्जिवको प्रहार रोकेका थिए । यस्तै विएमले भने बाहिर प्रहार गरे ।
खेलको २५ औं मिनेटमा विदेशी खेलाडी फोडे फोफानाले जावलाखेलको लागि सुरुवाती गोल गरे । उनले सुजित बुढाथोकीको पासमा गोल गरेका थिए ।
दोस्रो हाफमा लगातार दुई गोल गर्याे आयोजकले अग्रता लिएको थियो । दोस्रो हाफको १० मिनेटमा आयोजकका कप्तान विएमले पेनाल्टीमा गोल गरे । जावलाखेलका खेलाडीले सुरेस खत्रीलाई फाउल गरेपछि आयोजकले पेनाल्टी पाएको थियो । सुरेशले खेलको ६० औं मिनेटमा गोल गर्दै आयोजकलाई अग्रता दिलाए ।
८२ औं मिनेटमा जावलाखेलका गौतम श्रेष्ठले गोल गर्दै खेललाई बराबरीमा पुर्याएका थिए । उनले सुजित बुढाथोकीको पासमा हेडिङ गोल गरेका थिए ।
जावलाखेलका सुरेश खेलको म्यान अफ दी म्याच घोषित भए र उनले ५ हजार रुपैयाँ प्राप्त गरे । प्रतियोगिताको फाइनल खेल शनिबार हुनेछ ।
प्रतियोगिताको विजेताले ५ लाख र दोस्रो हुने टोलीले २ लाख ५० हजार रुपैयाँ पाउनेछ ।