काठमाडौं (हाम्रो खेलकुद)– नेपाली राष्ट्रिय महिला फुटबल टोलीकी फरवार्ड सावित्रा भण्डारी सम्बाले आफ्नो स्कोरिङमा अझै सुधार गर्न आवश्यक रहेको बताइकी छिन् । इन्डियन वुमन्स लिगमा सेथु फुटबल क्लबबाट खेलिरहेकी सावित्राले टोलीका पछिल्ला दुवै खेलमा गोल गरेकी थिइन् ।

सावित्राले लिगको २ खेलमा ५ गोल गरिसकेकी छिन् । मणिपुर पुलिस स्पोटस क्लबलाई सेथुले ६–४ ले हराउँदा सावित्राले ४ गोल गरेकी थिइन् । जसमा उनी वुमन अफ दी म्याच समेत घोषित भइकी थिइन् । बुधबार दोस्रो खेलमा बेंगलोर युनाइटेडलाई ३–० ले हराउँदा सावित्राले १ गोल गरेकी थिइन् ।

उनीसँगै टोलीमा आबद्ध नेपाली टोलीकी अनिता बस्नेतले पनि सो खेलमा गोल गरेकी थिइन् । सावित्रा र अनिता दुवैले पछिल्ला दुई वर्ष माल्दिभ्स क्लबबाट सँगै फुटसल प्रतियोगिता खेलेका थिए ।

नेपाली राष्ट्रिय टोलीबाट सर्वाधिक गोल गर्ने महिला खेलाडी (२८ गोल) मध्ये दोस्रो स्थानमा रहेकी सावित्राले हाम्रो खेलकुदलाई भनिन्, ‘जस्तो प्रदर्शन गर्न र स्कोरिङमा अझ बाँकी छ । म अझै राम्रो गर्न कोशिस गर्नुछु । ‘२ जितपछि उनको टोली तालिकाको शीर्षस्थानमा रहेको छ ।

नयाँ ठाँउमा खेल केहि कठिन हुने सावित्राले अनुभव सनुाईन् । ‘केहि दबाब त पक्कै छ,’ उनले भनिन्, ‘टोलीका अन्य खेलाडीसँगको तालमेल र लय बुझ्न केहि समय त लाग्छ । उनले भारतमा खेल्दा अन्तर्राष्ट्रिय खेल खेलको महसुस हुने अनुभव सुनाइन् ।’

‘हामीले देशमा, विभिन्न देशमा पनि गएर खेलेका छौं,’ उनले भनिन्,’ तर यहाँ निकै व्यवस्थित र अन्तर्राष्ट्रिय खेल खेलको अनुभव हुने । तर, खेलाडीको स्तरमा भने हाम्रो र यहाँ खासै अन्तर लागेन ।’ सेथुले शुक्रबार स्पोट्र्स एकडेमी अफ इन्डिया (एसएआई) को सामना गर्नेछ ।