काभ्रे (हाम्रो खेलकुद)- मानेश्वरी ग्रुप, नवदुर्गा युवा क्लब र ब्याच नम्वर २०६५ काभ्रेको बनेपामा जारी नेपाल आइस बीबीसी कपमा विजयी भएका छन् ।

नेपाल बनेपा पोलिटेक्निक इन्स्टिच्युटको खेल मैदानमा बुधबार भएको खेलमा मानेश्वरी ग्रुपले ब्रदर्र्श एफसी बनेपालाई ४–० ले पराजित गरेको हो । मानेश्वरीको जितमा बिमल श्रेष्ठले दुई तथा सन्जिव श्रेष्ठ र योगेन्द्र तामाङले समान १–१ गोल गरे । ब्रदर्शका नारायाण खड्का र अनिस तामाङले गोल फर्काए । बिमल श्रेष्ठ खेलको म्यान अफ दि म्याच घोषित भए ।

अर्काे खेलमा नवदुर्गा युवा क्लबले यति एफसीलाई ३–१ ले हरायो । नवदुर्गाको जितमा विजेश थापाले दुई तथा सुदर्शन श्रेष्ठले एक गोल थपे । पराजित टोलीका सरोज भुजेलले एक गोल फर्काए । विजेश थापा खेलको म्यान अफ दि म्याच भए ।

अर्काे खेलमा ब्याच नम्वर २०६५ ले युनाइटेड स्पोर्टसमाथि ३–२ को रोमाञ्चक जित निकाल्यो । ब्याच नम्वर ६५ को जितमा बिकेश खड्गीले दुई तथा सविन खड्गीले एक गोल गरे । युनाइटेडका शरद र सनराइज शाक्यले समान १–१ गोल गरे । दुई गोल गरेका बिकेश नै खेलको म्यान अफ दि म्याच घोषित भए ।

जेठ २ गते सम्म चल्ने प्रतियोगिताको विजेताले २ लाख र दोस्रो हुने टोलीले १ लाख रुपैयाँ प्राप्त गर्नेछ ।