6 years ago
May 7, 2019
एजेन्सी – तीन रातो कार्ड भएको इटालियन सिरी ‘ए’ मा एसी मिलानले बोलोग्नामाथि २–१ को जित निकालेको छ । मिलानको जितमा सुसो र फावियो बोरिनीले गोल गरे । माटिया डेस्ट्रोले एक गोल फर्काए ।
खेलको अन्त्यतिर घरेलु टोली १० तथा बोलोग्ना ९ खेलाडीमा समेटिएको थियो । ७४औं मिनेटमा पाक्वेटा दोहोरो पहेलो कार्ड खादै मैदानबाट बाहिरिदा मिलान १० खेलाडीमा समेटिएको थियो । इन्ज्युरी समयको दुई मिनेटमा अन्तरमा निकोला सानसोन र मिचेल डिज्क्स रातो कार्ड खादै मैदानबाट बाहिरिएपछि बोलोग्ना ९ खेलाडीमा समेटिएको थियो ।
घरेलु मैदानमा मिलानले खेलको ३७औं मिनेटमा सुसोको गोलबाट खेलमा सुरुवाती अग्रता बनाएको थियो । ६७औं मिनेटमा फावियो बोरिनीले अग्रता दोब्बर पारे । ७२औं मिनेटमा माटियाले एक गोल गर्दै बोलोग्नालाई खेलमा फर्काउने संकेत दिएका थिए । तर, त्यसपछि तीन रातो कार्ड भएको खेलमा थप गोल हुन सकेन ।
जितसँगै मिलानले अर्काे सिजनको च्याम्पियन्स लिगमा स्थान बनाउने सम्भावना जीवितै बनाएको छ । मिलान ३५ खेलबाट ५९अंक जोडेर पाँचौ स्थानमा उक्लिएको छ । समान खेलबाट ६२ अंक जोडेको एटलान्टा चौथो स्थानमा छ । पराजित बोलोग्ना ३७ अंक जोडेर १५औं स्थानमा छ ।
January 19, 2025
काठमाडौं (हाम्रो खेलकुद)- चन्द्रा भण्डारी एक्लैले ५ गोल गर्दा त्रिभुवन आर्मी फुटबल क्लबले वालिङ नगरपालिकालाई आइतवार ६-१ गोल अन्तरले हराउँदै एन्फा महिला लिगको अन्तिम चरणको क्वालिफायर १ मा स्थान बनाएको छ। हारमा वालिङ लिगबाट बाहिरिएको छ। आजको यो नतिजामा प्ले अफको समीकरण समेत पूरा भएको छ। क्वालिफायर १ मा आर्मी र एपिएफ फुटबल क्लबबीच प्रतिस्पर्धा […]
January 19, 2025
मेलबर्न (हाम्रो खेलकुद) – अस्ट्रेलियाको मेलबर्नमा रहेको यती फुटबल क्लबले वार्षिक रूपमा आयोजना गर्दै आइरहेको फुटबल प्रतियोगिता ‘कँडेल कप २०२५’ फागुन अन्तिम साता हुने भएकाे छ । आयोजक यती फुटबल क्लबले प्रेस विज्ञप्ति जारी गर्दै १४औं संस्करणको ‘कँडेल कप २०२५’ आगामी मार्च ८ र ९ तारिखमा मेलबर्नको डार्बिन अन्तर्राष्ट्रिय स्पोट्र्स सेन्टरमा हुने जानकारी गराएकाे छ […]
January 19, 2025
एजेन्सी – शीर्ष स्थानको लिभरपुल इंग्लिस प्रिमियर लिगको अंक तालिकामा थप मजबुत भएको छ। इन्ज्युरी समयमा २ गोल गर्दै लिभरपुलले शनिवार ब्रेन्टफोर्डलाई २-० ले हरायो। अर्को खेलमा २-० को अग्रता जोगाउन नसकेपछि आर्सनलले एस्टन भिल्लासँग २-२ को बराबरी खेलेको छ। ब्रेन्टफोर्डविरुद्ध लिभरपुलका लागि दुवैको डार्विन नुनेजले गरे। उनले इन्ज्युरी समयको पहिलो र तेस्रो मिनेटमा गोल […]
