काठमाडौं (हाम्रो खेलकुद) – ए डिभिजन क्लब नेपाल एपिएफ नेपाल आइस चौथो सिन्धु कप फुटबल प्रतियोगिताको सेमिफाइलनमा पुगेको छ । फाइनल प्रवेशका लागि एपिएफले बुधबार गोर्खा ब्वाइज रुपन्देहीको सामना गर्नेछ ।

सिन्धुपाल्चोक लामोसाँघु स्थित बसन्तपुर मैदानमा मंगलबार भएको खेलमा एपीएफले १० खेलाडीमा सिमित जिरी स्पोर्टस् क्लब दोलखालाई ४ – ० गोल अन्तरले पराजित गर्याे । एपिएफको जितमा हरि कार्की, सुुमित आले मगर, रवि थिङ र राम कुमार कुमालले १ गोल गरे ।

खेलको २६ औं मिनेटमा हरिको गोलबाट एपिएफले अग्रता लिएको थियो । उनले हेडिङमा गोल गरेका थिए । सुमितले ६४ औं मिनेटमा मिनेटमा गोल गरे । उनले रिवाउण्डमा प्राप्त बलमा गोल गरेका हुन् ।

७७ औं मिनेटमा रामले फ्रिकिकमा तेस्रो गोल गरे । खेल सकिन ३ मिनेट अघि रविले गोल गरे । त्यसको एक मिनेट नबित्दै गोलकिपर सुवास भण्डारीले रातो कार्डको सामना गर्नुपरेपछि जिरी स्पोर्टस् १० खेलाडीमा सिमित भएको थियो । पेनाल्टी बक्स बाहिर आएर बल समातेपछि उनलाई रेफ्रि विश्वास कार्कीले रातो कार्ड देखाएका थिए ।

प्रतियोगिताको अन्तिम क्वाटरफाइनलमा मंगलबार त्रिभुवन आर्मी क्लब र युथ स्पोर्टस् क्लब आयोजकबीच प्रतिस्पर्धा हुनेछ । प्रतियोगिताको विजेताले ५ लाख र उपविजेता टिमले २ लाख ५० हजार प्राप्त गर्नेछ ।