काभ्रे (हाम्रो खेलकुद)– जनगाल युथ क्लब र पद्मज्योति काभ्रे बोडर काभ्रेमा जारी नेपाल आइस बीबीसी कपमा विजयी भएका छन् ।

बनेपा पोलिटेक्निक इन्स्टच्युटको फुटबल मैदानमा सोमबार भएको खेलमा जनगालले तिमाल फुटबल क्लबलाई पेनाल्टी सुटआउटमा ५–४ ले पराजित गर्दै विजयी भएको हो । निर्धारित समयको खेल १–१ गोलका बराबरीमा सकिएपछि खेल पेनाल्टी सुटआउटमा पुगेको थियो । जसमा जनगालले बाजी मा¥यो । जनगालका गोलरक्षक पाल्साङ शेर्पा खेलको म्यान अफ दि म्याच घोषित भए ।

अर्को खेलमा पद्मज्योतिले पाँचखाल युनाइटेडलाई ३–२ ले पराजित ग¥यो । पद्मज्योतिका सुनदर लवाजुले दुई तथा कभन राउतले एक गोल गरे । पाँचखालका सर्जित आइडु र दिपेश गुरुङले समान १ गोल गरे । पद्मज्योतिका सुन्दर लवाजु खेलको म्यान अफ दि म्याच घोषित भए ।

सोमबारै भएको अर्को खेलमा स्वयम्भु क्लब काठमाडौंले भक्तपुर डिलाइट क्लबलाई १–० ले हरायो । रवि भण्डारीले इन्ज्युरी समयमा गोल गर्दै स्वयम्भुलाई जित दिलाए । रवि नै खेलको म्यान अफ दि म्याच घोषित भए ।

अर्को खेलमा रन्जित गुरुङको ह्याट्रिक मद्दतमा महेन्द्र ज्योति युथ क्लबले नखाती बिकास तथा व्यवस्थापन केन्द्रलाई ३–१ ले पराजित ग¥यो । नखातीका सुनिल लामाले एक गोल फर्काए । रन्जितले खेलको ९, १८ र २८औं मिनेटमा गोल गर्दै ह्याट्रिक पुरा गरे । रन्जित नै खेलको म्यान अफ दि म्याच घोषित भए ।

जेठ २ गते सम्म चल्ने प्रतियोगिताको विजेताले २ लाख र दोस्रो हुने टोलीले १ लाख रुपैयाँ प्राप्त गर्नेछ ।