6 years ago
May 6, 2019
एजेन्सी – इंग्लिस प्रिमियर लिग फुटबलमा आर्सनल र म्यानचेस्टर युनाइटेड बराबरीमा रोकिएका छन् ।
प्रिमियर लिग अन्तरगत आइतबार राति भएको खेलमा आर्सनल ब्राइटनसँग तथा म्यानचेस्टर युनाइटेड हडर्सफिल्डसँग समान १–१ गोलको बराबरीमा रोकिएका हुन् ।
घरेलु मैदान इमिरेट्स स्टेडियममा आइतबार राति भएको खेलमा आर्सनलले सुरुवाती अग्रता जोगाउन सकेन । नवौं मिनेटमा प्राप्त पेनाल्टीलाई पिएर इमिरिक औवामियाङले गोल गर्दै आर्सनललाई सुरुवाती अग्रता दिलाएका थिए ।
तर, ६१औं मिनेटमा ब्राइटनले पनि पेनाल्टीमार्फत नै बराबरी गोल फर्काउन सफल भयो । त्यसपछि थप गोल निस्कन नसक्दा खेल १–१ गोलको बराबरीमा सकियो ।
बराबरीमा रोकिएसँगै आर्सनलको शीर्ष चारमा पर्ने सम्भावना न्युन बनेको छ । एक खेल खेल्न बाँकी रहँदा आर्सनल ३७ खेलबाट ६७ अंक जोडेर पाँचौ स्थानमा रहेको छ । टोटेनहम ७० अंक जोडेर चौथो स्थानमा छ । ब्राइटन ३६ अंक जोडेर १७औं स्थानमा छ ।
प्रिमियर लिगकै अर्काे खेलमा म्यानचेस्टर युनाइटेड रेलिगेसनमा झरिसकेको हडर्सफिल्डसँग १–१ गोलको बराबरीमा रोकिएको छ ।
घरेलु टोलीमाथि दवाव सिर्जना गरेपनि युनाइटेडले जित निकाल्न सकेन । खेलको आठौं मिनेटमा स्कट टोमिनेले गोल गर्दै युनाइटेडलाई सुरुवाती अग्रता दिलाएका थिए ।
६०औं मिनेटमा इसाक मेवेन्जाले बराबरी गोल फर्काए । त्यसपछि थप गोल निस्कन नसक्दा खेल १–१ गोलको बराबरीमा सकियो ।
बराबरीमा रोकिएसँगै युनाइटेड च्याम्पियन्स लिगलाई छनोट हुन सकेन । युरोपा लिगमा छनोट हुने होडमा आर्सनल र युनाइटेड रहेको छ । युनाइटेड ६६ अंक जोडेर छैटौ स्थानमा छ ।
November 18, 2024
हिमाल खरेल, बिर्तामोड झापा ११ फुटबल क्लबले स्थापनापछि दोस्रोपटक ठुलो नकआउट फुटबल प्रतियोगिता आयोजना गर्ने भएको छ । क्लबले यसअघि २०७२ सालमा झापा गोल्डकपको सुरुवात गरेको थियो । क्लबको आयोजनामा मंसिर २९ गतेदेखि झापाको बिर्तामोडस्थित डोमालाल राजवंशी रंगशालामा बिर्तामोड झापा कप अन्तर्राष्ट्रिय नकआउट फुटबल प्रतियोगिता हुने भएको आज पत्रकार सम्मेलन गरेर जानकारी दिइयो । प्रतियोगिता […]
November 18, 2024
एजेन्सी – एर्लिङ हालाण्डले ह्याट्रिक गरेको युइएफए नेसन्स लिगको खेलमा नर्वेले सहज जित हासिल गरेको छ । लिग बी समूह ३ मा नर्वेले आइतवार कजाकिस्तानलाई ५-० ले पराजित गरेको हो । घरेलु मैदानमा भएको खेलमा नर्वेको जितमा सोर्लोथ र नुसाले गोल थपे । हालाण्डले २३औं र ३७औं मिनेटमा गोल गर्दै नर्वेलाई सानदार सुरुवात दिलाएका थिए […]
November 18, 2024
एजेन्सी – युरोपेली नेसन्स कपमा आइतवार फ्रान्सले इटालीलाई ३-१ ले हराएको छ। लिग ए समूह २ बाट क्वाटरफाइनलमा पुगिसकेका दुई टोलीबीच नतिजापछि फ्रान्स समूह विजेता बनेको छ। एक गोलको अन्तरले पराजित भएको अवस्थामा इटाली समूह विजेता बन्ने समीकरण थियो। सानसिरोमा भएको खेलमा फ्रान्सका मिडफिल्डर रेबियटले २ गोल गरे भने अर्को गोल आत्मघाती भएको थियो। इटालीका […]
