काठमाडौं (हाम्रो खेलकुद) – नेपाल आइस बीबीसी कप फुटबल प्रतियोगितामा आइतबार रयाले एफसी, एक्टिभ स्पोर्टस् काउन्सिल, बनेपा ब्वाइज क्लब (बीबीसी) लाली गुँरास र मनाकाली युथ क्लब विजयी भएका छन् ।

नेपाल बनेपाल पोलिटेक्निक इन्स्टच्युटको फुटबल मैदानमा भएको खेलमा रयालले वी आर बर्दश काठमाडौंलाइ ४–० ले हराएको छ । रयालेका लागि विकास दुवाल र म्यान अफ दी म्याच अचल खत्रीले समान २ गोल गरे ।

अर्को खेलमा एक्टिभले सलिमटार एफसीलाई टाइब्रेकरमा ५–४ ले पराजित गर्यो । निर्धारित समय २–२ को बराबरीपछि टाइब्रेकरमा एक्टिभले बाजी मारेको थियो । निर्धारित समयमा एक्टिभका लागि कुर्जेउ रसाइली र राम दुवालले तथा सलिमटारका लागि राज गुरुङ र निकेश सुनुवारले समान एक गोल गरे । एटिक्भका अंकित शाही म्यान अफ दी म्याच घोषित भए ।

बीबीसी लाली गुँरासले बनेपा स्पोर्टस सेन्टरलाई ४–० ले हराएको थियो । आयोजक बीबीसीका लागि साजन अधिकारीले २, सुमन सुब्बा र सन्जीव शाहीले समान १ गोल गरे । विजयी टोलीका राजकुमार रायमाझी म्यान अफ दी म्याच घोषित भए ।

अर्को खेलमा मनकालीले बार्सिलोना फ्यान क्लबलाई टाइब्रेकरमा ३–१ ले हराए थियो । निर्धारित समयमा १–१ को बराबरीपछि मनकालीले बाजी मारेको थियो । निर्धारित समयमा मनकलीका लागि एके प्रधान र बार्सिलोना फ्यान क्लबका लागि समान १ गोल गरेका थिए ।
जेठ १ गते सम्म चल्ने प्रतियोगिताको विजेताले २ लाख र दोस्रो हुने टोलीले १ लाख रुपैयाँ प्राप्त गर्नेछ ।