एजेन्सी – उपाधि होडमा रहेको बोरुसिया डर्टमन्ड बराबरीमा रोकिदा डिफेन्डिङ च्याम्पियन बायर्न म्युनिख जर्मन बुन्डेस लिगाको उपाधितर्फ लम्किएको छ ।

शनिबार राति भएको खेलमा डर्टमन्ड वेरडर ब्रेमेनसँग २–२ गोलको बराबरीमा रोकिएसँगै बायर्न उपाधिनजिक पुगेको हो । बायर्नले शनिबार राति नै ह्यानोभरमाथि ३–१ को सहज जित निकालेको थियो ।

बराबरीसँगै डर्टमन्ड ३२ खेलबाट ७० अंक जोडेर दोस्रो स्थानमा यथावत छ । समान खेलबाटै बायर्न ७४ अंक जोडेर शीर्षस्थानमा छ । अब बायर्नले आरबी लेपिजिज र फ्रान्कफर्टसँग खेल्न बाँकी छ । डर्टमन्डले फोर्टुना र बोरुसिया मोन्चेग्लावाचसँग खेल्न बाँकी छ । बायर्नलाई च्याम्पियन बन्न एक खेल जिते पर्याप्त हुनेछ । डर्टमन्डलाई च्याम्पियन बन्न बाँकी दुई खेलमा शतप्रतिशत जित तथा बायर्नले दुवै खेल गुमाउन पर्ने हुन्छ ।

डर्टमन्डले दुई गोलको अग्रता लिएर पनि बराबरी खेलेको हो । छैटौं मिनेटमा क्रिस्टियन पुलिसिक र ४१औं मिनेटमा फ्रान्सिस्को अल्कासेरले गोलबाट बायर्नले खेलमा अग्रता लिएको थियो । डर्टमन्डले ५ मिनेटको दौरान दुई गोल खान पुगेको थियो । ७०औं मिनेटमा केभिन मोवाल्ड र ७५औं मिनेटमा क्लाउडियो पिजारोले बराबरी गोल फर्काएका थिए ।

यता, बायर्नले ह्यानोभरमाथि ३–१ को सहज जित निकाल्यो । बायर्नको सहज जितमा रोबर्ट लेवान्डोस्की, लियोन गोरेट्का र फ्रान्क रिवेरीले गोल गरे । ह्यानोभरका जोनाथसले पेनाल्टीमा एक गोल फर्काए ।