एजेन्सी – दुवै हाफ गरेर ६ मिनेटको अन्तरमा २ खेलाडी रातो कार्ड खाएपछि ९ खेलाडीमा समेटिएको टोटेनहम हस्टपरले इंग्लिस प्रिमियर लिग फुटबलमा बर्नमाउथसँग हार बेहारेको छ । टोटेनहम बर्नमाउथसँग १–० ले पराजित भएको हो ।

टोटेनहम ६ मिनेटको दौरान दुई रातो कार्ड खाएपछि ९ खेलाडीमा समेटिएको थियो । ९ खेलाडीमा समेटिएको टोटेनहमले घरेलु टोलीलाई अन्तिम समयसम्म रोक्न सफल भएन । तर, टोटेनहमले अन्तिम समयमा सम्हाल्न सकेन । इन्ज्युरी समयको थप गरिएको पहिलो मिनेटमा नाथन एकेले गोल गर्दै बर्नमाउथलाई १–० को जित दिलाए ।

त्यसअघि खेलको ४३औं मिनेटमा ह्युङ मिन सन र ४८औं मिनेटमा जुवान फोयथ सिधै रातो कार्ड खादै मैदानबाट बाहिरिएपछि टोटेनहम समस्यामा परेको थियो ।

हारसँगै टोटेनहमले शीर्ष चारको पकड बलियो बनाउन सकेन । टोटेनहम ३७ खेलबाट ७० अंक जोडेर तेस्रो स्थानमा रहेको छ । टोटेनहमको पछिल्लो चार प्रिमियर लिग खेलमा यो तेस्रो हार हो । ब्राइटनमाथि १–० को जित निकालेको टोटेनहमले म्यानचेस्टर सिटी र वेस्ट ह्यामसँग पराजित भएको थियो । बर्नमाउथ ४५ अंक जोडेर १३औं स्थानमा छ ।

यता, वल्भ्स र क्रिस्टल प्यालेसँग पराजित भएसँगै फुलहम र कार्डिफ सिटी रेलिगेसनमा पर्ने पक्का भएको छ । हडर्सफिल्ड यसअघि नै रेलिगेसनमा परिसकेको छ ।

फुलहम वल्भ्ससँग १–० ले तथा कार्डिफ क्रिस्टल प्यालेससँग ३–२ ले पराजित हुन पुगेको थियो । एक खेल बाँकी रहँदा कार्डिफ ३१ अंक जोडेर १८औं तथा २६ अंक जोडेर फुलहम २६औं स्थानमा छ । हर्डसफिल्ड १४ अंक जोडेर पुछारमा छ ।

प्रिमियर लिगको अर्काे खेलमा वेस्ट ह्यामले साउथह्याम्पटनलाई ३–० ले पराजित गरेको छ ।