झापा (हाम्रो खेलकुद) –विभागीय नेपाल पुलिस क्लब चौथो संस्करणको मेची नेत्रालय मेचीनगर गोल्डकप च्याम्पियन बनेको छ । पुलिसले अर्काे विभागीय टोली त्रिभुवन आर्मी क्लबको चुनौती सडनडेथमा ४–३ ले पन्छाउदै च्याम्पियन बनेको हो ।

निर्धारित समयको खेल गोलरहित बराबरीमा सकिएपछि खेलको निर्णय पेनाल्टी सुटआउटबाट लिइएको थियो । जसमा पुलिसले बाजी मारेको हो । पेनाल्टी पनि ३–३ गोलको बराबरी भएपछि खेल सडनडेथमा पुगेको थियो ।

सडनडेथमा पुलिसका सुमन लामा, भरत साह, रेजिन सुब्बाले गोल गरे । पुलिसका अजित भण्डारी र आशिष गुरुङले गोल गर्न सकेनन् । आर्मीका दीप लामा, टेक बहादुर बुढाथोकी, सन्तोष तामाङले गोल गर्न सके । नवयुग श्रेष्ठ, जर्ज प्रिन्स कार्कीले गोल गर्न सकेनन् ।

सडनडेथमा आर्मीका बिकास तामाङ गोल गर्नबाट चुक्दा पुलिसका मान बहादुर परियारले निर्णायक गोल गरे । पुलिसका गोलरक्षक रोशन खड्का खेलको म्यान अफ दि म्याच घोषित भए । उनले ११ हजार रुपैया पाए ।

च्याम्पियन बनेसँगै पुलिसले १० लाख रुपैया हात पा¥यो । उपविजेता बनेको आर्मीले ५ लाख रुपैयामा चित्त बुझायो । पुसिलका रवि पासवान प्रतियोगिताको सर्वाेत्कृष्ट खेलडी घोषित भए । उनले १ लाख रुपैया हात पा¥यो ।

मेचीनगर गोल्डकपका उत्कृष्टहरु
उदियमान खेलाडी – एन्जल गुरुङ (काकँडभिट्टा)
उत्कृष्ट गोलरक्षक – शत्रुघन चौधरी (पुलिस)
उत्कृष्ट डिफेन्डर – आशिष गुरुङ (पुलिस)
उत्कृष्ट मिडफिल्डर – सेसेहाङ आङदेम्वे (आर्मी)
उत्कृष्ट फरवार्ड – नवयुग श्रेष्ठ (आर्मी)
उत्कृष्ट प्रशिक्षक – अनन्तराज थापा (पुलिस)
सबै उत्कृष्टले जनही २१ हजार रुपैया पाए ।