6 years ago
May 2, 2019
काठमाडौं(हाम्रो खेलकुद)- ‘ए’ डिभिजनको चिरपरिचित प्रतिद्धन्द्धी ग्रान्डमास्टर जावलाखेललाई पराजित गर्दै सरस्वती युवा क्लब राजधानीमा जारी दोस्रो संस्करणको रोज बहिनी चन्द्रागिरी गोल्डकप फुटबल प्रतियोगिता फाइनलमा प्रवेश गरेको छ ।
चन्द्रागिरी नैकापस्थित नैकाप फुटबल मैदानमा बिहीबार भएको पहिलो सेमिफाइनलमा सरस्वतीले जावलाखेलमाथि १–० को जित निकाल्दै उपाधि नजिक पुगेको हो । अब सरस्वतीले उपाधिका लागि शुक्रबार हुने एपीएफ र च्यासलबीचको विजेतासँग आइतबार प्रतिस्पर्धा गर्नेछ ।
सरस्वतीको जितको आत्मघाती गोल नै निर्णायक बन्यो । खेलको दोस्रो मिनेटमा नै जावलाखेलका डिफेन्डर गौतम श्रेष्ठले आफ्नै पोस्टमा गोल गरेका थिए । गौतम र गोलरक्षक अरुण तामाङबीच तालेमेल नमिल्दा गौतमको प्रहारले आफ्नै पोस्टको दिशा लिएको थियो । गौतमले ब्याकपास दिदा गोलरक्षक पोजिसन बाहिर रहेको थियो ।
सुरुमै पछि परेपछि जावलाखेलले सरस्वतीलाई दवावमा राखेपनि गोल गर्न भने सकेन । खेलको चौथो मिनेटमा ड्यानियल बेकेको प्रहार आकासियो । २१औं मिनेटमा गोलरक्षक अरुण तामाङले फालेको लामो पासलाई फोडे फोफानाले नियन्त्रणमा लिदै बक्सबाहिरबाट गरेको प्रहार दोस्रो बारबाट थोरै बाहिरिदा बराबरीबाट चुक्यो ।
३६औं मिनेटमा टिना टिनाले गोल गरेपनि रेफ्रीले अफसाइडको इसारा गरे । पहिलो हाफको इन्ज्युरी समयमा कप्तान राजकुमार घिसिङको फ्रिकिक प्रहार पोस्टबाट थोरै बाहिरिदा अग्रता दोब्बर पार्ने मौका खेर गयो । दोस्रो हाफमा दुवै टोलीले गोलको प्रयास गरेपनि सफल भएन ।
४९औं मिनेटमा अमित लामाको पासमा सुजित बुढाथोकीको प्रहार जावलाखेलका गोलरक्षकलु मुस्किलले बचायो । ५९औं मिनेटमा अमित लामाको फ्रिकिकलाई गोलरक्षकले पुन मुस्किलले जोगायो । ६३औं मिनेटमा सुजित बुढाथोकी वान भर्सेस वानको अवस्थामा चुके ।
६४औं मिनेटमा ड्यानियलको प्रहार बाहिरियो । ७२औं मिनेटमा ड्यानियलको बक्सभित्रको प्रहार पोस्टमा लागेर फर्कदा जावलाखेल बराबरी गोल गर्नबाट चुक्यो । त्यसपछि थप गोल निस्कन नसक्दा त्यही आत्मघाती गोल नै सरस्वतीलाई फाइनल पुग्न पर्याप्त बन्यो ।
सरस्वतीका ओको बोता खेलको म्यान अफ दि म्याच घोषित भए । उनले ५ हजार रुपैया पाए ।
प्रतियोगितामा शुक्रबार विभागीय नेपाल एपीएफ क्लब र भ्याली च्यासल युथ क्लबबीच दोस्रो सेमिफाइनल खेल हुनेछ । खेल दिनको ठीक ३ः३० बजे नैकापस्थित नैकाप फुटबल मैदानमा हुनेछ ।
१५ बैशाखबाट शुरु भएको प्रतियोगितामा आयोजक दीपशिखा युवा समुहसहित विभिन्न ८ टोलीको सहभागिता रहेको थियो । प्रतियोगिताको विजेताले ६ लाख तथा उपविजेताले ३ लाख रुपैयाँ प्राप्त गर्ने आयोजकले जनाएको छ । प्रतियोगिताको उत्कृष्ट खेलाडी र सर्वाधिक गोलकर्ताले समान ३० हजार रुपैयाँ पाउनेछन् ।
April 4, 2025
काठमाडौं (हाम्रो खेलकुद)- एनसेल नेपाल सुपर लिग (एनएसएल) मा एफसी चितवनले लगातार दोस्रो जित हात पारेको छ। चितवनले शुक्रवार बुटवल लुम्बिनी एफसीमाथि १-० को कठिन जित निकाल्यो। चितवनको जितमा टोरिक जेब्रिनले इन्ज्युरी समयमा गरेको गोल नै निर्णायक बन्यो। दशरथ रंगशालामा दुवै टोलीका खेलाडीको प्रदर्शन कमजोर रह्यो। मिडबाट केहि मुभ सिर्जना भएपनि अधिकांश मिस पास भयो। […]
April 4, 2025
काठमाडौं (हाम्रो खेलकुद) – तेस्रो संस्करणको एनसेल एनएसएल अन्तर्गत एफसी चितवन र बुटवल लुम्बिनीबीचको खेल जारी छ। पहिलो हाफ गोल रहित बराबरीमा सकिएको छ । दशरथ रङ्गशालामा चितवन लगातार दोस्रो जित निकाल्ने दाउमा छ । दुई खेलमा १ अंक मात्र जोड्न सकेको बुटवललाई जित दर्ज गर्ने दबाब छ। तर दुवै टिमले पहिलो हाफमा फितलो प्रदर्शन […]
April 4, 2025
सुबास हुमागाईं, काठमाडौं नेपाल सुपर लिग (एनएसएल) को खेलाडी अक्सनमा सहभागी टिमहरुले गोलरक्षक अनुबन्धनमा खासै इच्छा देखाएनन् । यहाँसम्मकी अक्सन हुने समयमा राष्ट्रिय टोलीमा रहेका तीनै गोलरक्षक एक समय अनसोल्ड समेत रहे । तर एनएसएलको सुरुवाती ६ खेल हेर्दा विदेशी गोलरक्षक खेलाउने टोलीको निर्णयले टोलीलाई खासै फाइदा गरेको देखिदैन । बरु अवसर पाएका नेपाली गोलरक्षकले […]