लिभरपुल (एजेन्सी)– लिभरपुलका प्रशिक्षक योगर्न क्लोपले क्लबका पूर्व स्टार फिलिप्पे काउटिन्होको तारिफ गरेका छन् । लिभरपुलले अहिले जुन उचाई लिएको छ त्यसमा काउटिन्होको सहयोग रहेको क्लोपले बताएका छन् ।

काउटिन्होले क्लब छोड्दा केहि विवाद पनि भएको थियो । उनले पटक पटक लिभरपुललाई आफुलाई छाड्न आग्रह पनि गरेका थिए । उनी सिजनको मध्येमा लिभरपुलबाट स्पेनिस महारथी क्लब पुगेका थिए । काउटिन्होले क्लब छाडेयता पूर्व सहकर्मीविरुद्ध पहिलो पटक उत्रदैछन् । काउटिन्होले क्लब छोड्दा दुवैतर्फलाई राम्रो भएको प्रशिक्षक क्लोपले बताएका छन् ।

‘हामीले काउटिन्होलाई मिस गरेका छौं । किनकी उनी विश्वस्तरीय खेलाडी हुन् । मलाई उनीसँग काम गर्न मजा लाग्थ्यो,’ क्लोपले भने,‘ तर पनि हामीले उनी विना पनि खेल्यौं र हामीले निकै राम्रो ग¥यौं । पहिलो पटक उनी बार्सिलोना जान चाहेको बारे सोच्दा म उनी विना क्लबको कल्पना पनि गर्न सक्दैन थिए । तर, हामीले ग¥यौं । मलाई लाग्छ त्यो सम्झौता दुवै पक्षका लागि फाइदाजनक रह्यो ।’

केहि वर्षअघि सम्म लिभरपुललाई च्याम्पियन्स लिगका लागि छनोट हुनु पनि ठूलो विषय रहेको उल्लेख गर्दै क्लोपले अहिले टोलीले निकै स्तरीय प्रदर्शन गरिरहेको बताएका छन् । ‘हामी लयमा छौं । बार्सिलोनासँग खेल्दैछौं, उनले भने,‘ हामी लगातार दोस्रो पटक च्याम्पियन्स लिगको सेमिफाइनल पुगेका छौं । यो हाम्रो लागि सकारात्मक पाटो हो ।’