म्यानचेस्टर (एजेन्सी)– म्यानचेस्टर युनाइटेडका महान खेलाडी पाउल स्कल्सले उनको पूर्व क्लब युनाइटेडविरुद्ध चेल्सीका गोन्जालो हिगुआइको प्रदर्शनको आलोचना गरेका छन् । आइतबार युनाइटेडविरुद्धको हिगुइनको प्रदर्शनका बारेमा स्कल्सले भने , ‘खेल भर चेल्सीबाट १० खेलाडीले मात्र खेले जस्तो लाग्थ्यो ।’

चेल्सी आएयता नै हिगुआइन उच्च प्रदर्शनका लागि संघर्षरत छन् । जनवरीमा चेल्सी पुगेयता उनले १२ खेलमा ४ गोलमात्र गरेका छन् । प्रिमियर लिगको शीर्ष चारमा पर्ने बलियो सम्भावना बोकेपछि हिगुइन युनाइटेडविरुद्ध संघर्षरत रहे । युनाइटेडको डिफेन्सलाइन तोड्न असफल भएका हिगइन खेलमा ५ पटक अफसाइड भएका थिए ।

हिगुआइनका बारेमा स्कल्सले भने , ‘मलाई लाग्छ सेन्टर फरवार्ड उनका लागि समस्या हो । उनी युनाइटेडविरुद्धको खेलमा कमजोर रहे । टोली लगभग १० खेलाडी खेले जस्तो देखिन्थ्यो ।’ स्कल्सले अर्का फरवार्ड जिरुडलाई कम्तीमा २० मिनेट खेलाउने पर्ने तर्क गरेका छन् ।

‘तर, हिगुआइनलाई मात्र मौका दिइयो , उनले भने, तर त्यहि ठूलो समस्या रह्यो । त्यसले टोलीलाई नै समस्यामा पार्यो । ‘ स्कल्सले प्रिमियर लिग उपाधिका लागि चुनौति दिन भने चेल्सीमा केहि कमी रहेको बताएका छन् । उनीहरुको खेल हेर्दा आनन्द लाग्छ ।

‘ मलाई लाग्छ चेल्सीमा केहि राम्रा खेलाडी छन्,’ स्कल्सले भने, ‘तर उपाधिका लागि चुनौति दिन भने पुरा टोली छैन । मलाई लाग्छ दुई वा तीन राम्रा खेलाडीको त्यहाँ कमी छ ।’