6 years ago
April 28, 2019
काठमाडौं (हाम्रो खेलकुद) – नेपाली महिला यू-१९ राष्ट्रिय फुटबल टोलीले एएफसी यू-१९ च्याम्पियनसिपको छनोट चरण अन्तर्गत समूहको दोस्रो खेलमा उज्बेकिस्तानको सामना गर्दैछ ।
समूह ‘ए’ को पहिलो खेलमा नेपाल अष्ट्रेलियासँग ११-१ को फराकिलो अन्तरले पराजित भएको थियो । लगातार दोस्रो खेलमा पराजित भएको खण्डमा नेपालको अन्तिम चरणमा पुग्ने सम्भावना लगभग समाप्त हुनेछ । नेपाली टोलीमा सिनियर राष्ट्रिय टोलीका ६ खेलाडी रहेका छन् । सिनियर टोलीबाट खेलिसकेकी मन्जलीकुमारी योन्जनले नै अष्ट्रेलियाविरुद्ध नेपालको लागि एकमात्र गोल गरेकी थिइन् ।
समूहको अर्को खेलमा शुक्रबार आयोजक म्यानमारले उज्बेकिस्तानलाई १-० ले पराजित गरेको थियो । उज्बेकिस्तान पनि नेपाललाई पराजित गर्दै अंकको खाता खोल्ने लक्ष्यमा हुनेछ । मण्डलेस्थित मण्डलाथिरी रंगशालामा हुने दोस्रो खेलमा म्यानमार र अष्ट्रेलिया पनि आमनेसामने हुनेछन् ।
प्रत्यक समूहबाट उत्कृष्ट दुई टोली अन्तिम चरणमा प्रवेश गर्नेछन् । अर्को समूहमा दक्षिण कोरियाले पहिलो खेलमा लेबनानलाई ९-० ले हराएको थियो । आयोजक भिएतनाम र इरानले भने १-१ को बराबरी खेले । अन्तिम प्रतियोगिताको आयोजक थाईल्यान्ड, जापान, उत्तर कोरिया र चीन अन्तिम चरणका लागि छनोट भइसकेका छन् ।
November 18, 2024
एजेन्सी – एर्लिङ हालाण्डले ह्याट्रिक गरेको युइएफए नेसन्स लिगको खेलमा नर्वेले सहज जित हासिल गरेको छ । लिग बी समूह ३ मा नर्वेले आइतवार कजाकिस्तानलाई ५-० ले पराजित गरेको हो । घरेलु मैदानमा भएको खेलमा नर्वेको जितमा सोर्लोथ र नुसाले गोल थपे । हालाण्डले २३औं र ३७औं मिनेटमा गोल गर्दै नर्वेलाई सानदार सुरुवात दिलाएका थिए […]
November 18, 2024
एजेन्सी – युरोपेली नेसन्स कपमा आइतवार फ्रान्सले इटालीलाई ३-१ ले हराएको छ। लिग ए समूह २ बाट क्वाटरफाइनलमा पुगिसकेका दुई टोलीबीच नतिजापछि फ्रान्स समूह विजेता बनेको छ। एक गोलको अन्तरले पराजित भएको अवस्थामा इटाली समूह विजेता बन्ने समीकरण थियो। सानसिरोमा भएको खेलमा फ्रान्सका मिडफिल्डर रेबियटले २ गोल गरे भने अर्को गोल आत्मघाती भएको थियो। इटालीका […]
November 17, 2024
काठमाडौं(हाम्रो खेलकुद) – कप्तान धर्वेन्द्र कुँवरको ह्याट्रिकको सहयोगमा जावलाखेल युथ क्लबले ललित स्मृति एन्फा यु १८ युथ लिगमा सहज जित दर्ता गरेको छ । सातदोबाटोस्थित अखिल नेपाल फुटबल संघ (एन्फा) कम्प्लेक्समा आइतवार जावलाखेलले सातदोबाटो युथ क्लबविरुद्ध ४-१ को जित हासिल गरेको हो । जावलाखेलका लागि अर्को गोल प्रशान्त तामाङले गरे । सातदोबाटोका लागि निसप्रकाश बरालले […]
