रोनाल्डोले युभेन्टसलाई हारबाट जोगाए

एजेन्सी – सुपरस्टार क्रिस्टियानो रोनाल्डोले गोल गरेसँगै युभेन्टस इटालियन सिरी ‘ए’ मा हारबाट जोगिएको छ । युभेन्टस इन्टर मिलानसँग १–१ गोलको बराबरीमा रोकिएको हो ।

इन्टर मिलानले घरेलु मैदानमा शनिबार राति भएको खेलमा सातौ मिनेटमा राज्दा नेइङगोलानको उत्कृष्ट गोलबाट खेलमा अग्रता लिन सफल भएको थियो । उनले माटियो पोलिटानोको पासमा गोल गरेका थिए ।

एक गोलपछि पनि इन्टर मिलानले युभेन्टसलाई दवावमा राख्न सफल भएपनि दोस्रो हाफमा रोनाल्डो चम्कदा बराबरी खेल्न बाध्य बन्यो । रोनाल्डोले ६२औं मिनेटमा मिरालेम प्यानिचको पासमा बराबरी गोल फर्काए । रोनाल्डोको यो करियरकै ६०० औं गोल पनि हो ।

त्यसपछि थप गोल हुन नसक्दा खेल १–१ गोलको बरारीमा सकिदा दुवै टोलीले अंक बाँडे । बराबरीसँगै युभेन्टसको ३४ खेलबाड ८८ अंक पुगेको छ । इन्टर मिलान समान खेलबाटै ६२ अंक जोडेर तेस्रो स्थानमा छ । नेपोली ६७ अंकसहित दोस्रो स्थानमा छ ।