एजेन्सी – इंग्लिस क्लब आर्सनल युइएफए युरोपा लिग फुटबलको सेमिफाइनलमा प्रवेश गरेको छ ।

युरोपा लिग अन्तर्गत बिहीबार राति भएको दोस्रो लेगमा आर्सनलले इटालियन क्लब नेपोलीलाई १–० ले पराजित गर्दै अन्तिम चारमा पुग्न सफल भएको हो ।

आर्सनलले समग्रमा ३–० को जित निकालेको हो । पहिलो लेगमा आर्सनलले २–० को जित हात पारेको थियो । नेपोलीको मैदानमा खेलको ३६औं मिनेटमा एलेसान्द्रे लाकाजेट्टीले गरेको गोल नै आर्सनलको जितमा पर्याप्त बन्यो ।

घरेलु टोलीले आर्सनललाई दवावमा राखेपनि आर्सनलको बलियो रक्षापङ्तिलाई तोड्न नसक्दा पराजित हुन पुग्यो । नेपोलीले ६९ प्रतिशत बल पोजेसन राख्दै २० सट प्रहार गरेपनि गोल गर्न असमर्थ बन्यो ।

बिहीबार राति भएको अर्काे खेलमा जर्मन क्लब फ्रान्कफर्टले पोर्चुगिज क्लब बेन्फिकालाई २–० पराजित गर्दै सेमिफाइनलको यात्राा तय ग¥यो । समग्रमा ४–४ गोलको बराबरी भएपनि फ्रान्कफर्ट अवे गोलमा अघि बढेको थियो ।

अर्काे खेलमा भ्यालेन्सियाले भिल्ला रियाललाई २–० ले तथा समग्रमा ५–१ को जित निकाल्दै सेमिफाइनलमा पुग्न सफल भयो ।

यससँगै युरोपा लिगको सेमिफाइनल समिकरण पुरा भएको छ । इंग्लिस क्लब चेल्सीसँगै जर्मन क्लब फ्रान्कफर्ट र स्पेनिस क्लब भ्यालेन्सियाले अन्तिम चारको यात्रा तय गरे ।

अब सेमिफाइनलमा चेल्सी र फ्रान्कफर्ट तथा आर्सनल र भ्यालेन्सियाबीच खेल हुनेछ । खेल मे ३ मा हुनेछ ।