6 years ago
April 14, 2019
एजेन्सी – इंग्लिस प्रिमियर लिग फुटबलमा मर्सिसाइड क्लब लिभरपुलले लन्डन क्लब चेल्सीमाथि महत्वपुर्ण जित निकालेको छ ।
घरेलु मैदमानमा लिभरपुलले चेल्सीमाथि २–० को महत्वपुर्ण जित निकालेको हो । लिभरपुलको महत्वपुर्ण जितमा साडियो माने र मोहम्मद सलाहले गोल गरे ।
यो जितसँगै लिभरपुल पुनः प्रिमियर लिगको शीर्ष स्थानमा फर्कदै उपाधि जित्ने सम्भावनालाई जीवितै राखेको छ । लिभरपुलले एक खेल कम खेलेको म्यानचेस्टर सिटीलाई २ अंकले पछि पारेको छ । ३४ खेलबाट लिभरपुलको ८५ अंक पुग्दा सिटीको ३३ खेलबाट ८३ अंक छ । सिटीले आइतबार राति नै क्रिस्टल प्यालेसलाई ३–१ ले पराजित गरेको थियो । पराजित चेल्सी ३४ खेलबाट ६६ अंक जोडेर चौथो स्थानमा यथावत छ ।
एनफिल्डमा पहिलो हाफ गोलरहित बराबरीमा सकिएको थियो । तर, दोस्रो हाफको शुरुमै घरेलु टोलीले दुई मिनेटको अन्तरमा दुई गोल गर्दै महत्वपुर्ण ३ अंक जोड्न सफल भयो ।
५१औं मिनेटमा साडियो मानेले जोर्डन हेन्डरसनको पासमा हेडमार्फत गोल गर्दै लिभरपुललाइृ अग्रता दिलाए । त्यसको दुई मिनेटपछि मोहम्मद सलाहले भर्जिल भान डिजिकको पासमा करिव २५ यार्डबाट गरेको प्रहार सिधै गोलमा परिणत भएको थियो ।
दुई गोलले पछि परेपछि चेल्सीले खेलमा फर्कने प्रयास गरेको थियो । ५९औं मिनेटमा हजार्डको प्रहार पोस्टमा लागेर फर्कदा चेल्सी चुक चुकायो । ६१औं मिनेटमा हजार्डको अर्काे प्रयासलाई लिभरपुलका गोलरक्षक एलिसन बेकरले बचाइदिए । त्यसपछि थप गोल निस्कन नसक्दा लिभरपुल विजयी हुन सफल भयो ।
एनफिल्डमा चेल्सीमाथि लिभरपुलको २०१२ पछि पहिलो जित हो ।
March 25, 2025
काठमाडौं (हाम्रो खेलकुद) – नेपाली राष्ट्रिय फुटबल टोलीले एएफसी एसियन कप छनोटको समूह चरण अन्तर्गत पहिलो खेलमा मलेसियासँग २-० को हार बेहोर्यो । मलेसियाको जोहोर बारूस्थित सुल्तान इब्राहिम रंगशालामा नेपाल २-० ले पराजित भएको हो । पहिलो हाफमा १-० को अग्रता लिएको मलेसियाले दोस्रो हाफमा अर्को गोल थपेको थियो । मलेसियाका लागि पहिलो हाफमा हेक्टर […]
March 25, 2025
काठमाडौं (हाम्रो खेलकुद) – एएफसी एसियन कप २०२७ को छनोट चरण अन्तर्गत समूहको पहिलो खेलमा नेपाल मलेसियासँग पराजित भएको छ । मलेसियाको जोहोर बारूस्थित सुल्तान इब्राहिम रंगशालामा नेपाल २-० ले पराजित भएको हो । पहिलो हाफमा १-० को अग्रता लिएको मलेसियाले दोस्रो हाफमा अर्को गोल थपेको थियो । खेलको २९ औं मिनेटमा घरेलु टोलीले अग्रता […]
March 25, 2025
सुमन अधिकारी, बुटवल मच्छिन्द्र एफसी रुपन्देहीमा जारी २३ औं तिलोत्तमा गोल्ड कप फुटबल प्रतियोगिताको सेमिफाइनल पुगेको छ। भारतको अडोर्न गडवा स्पोर्टिङ क्लबलाई आज १-० ले हराउँदै मच्छिन्द्र अन्तिम चारमा पुगेको हो । योसँगै प्रतियोगिताको सेमिफाइनल समीकरण पूरा भएको छ। देविनगरस्थित एन्फा टेक्निकल खेलमैदानमा भएको रोमान्चक खेलमा मच्छिन्द्रको जितमा राजिव लोक्चन एकमात्र गोले गरेका हुन । […]
