पेरिस (एजेन्सी)– पेरिस सेन्ट जर्मेन (पिएसजी) का स्ट्राइकर केलियन एमबाप्पे ब्राजिलियन महान खेलाडी पेलेका प्रशंसक हुन् । त्यस्तै एमबाप्पले आफुलाई फ्रान्सेली फुटबलका महान खेलाडी जिनेदिन जिदान पनि उत्तिकै मन पर्ने बताएका छन् ।

फ्रान्सेली टोलीका पूर्व कप्तान जिदानले रियल म्याड्रिड र युभेन्ट्सबाट सफल व्यवसायिक खेल जीवन बिताएका थिए । उनलाई एमबाप्पलेले आफ्नो रोजाईका खेलाडीको सुचिमा माथिल्लो स्थानमा राख्नुलाई स्वभाविक मानिएको छ ।

फ्रान्सेली एक पत्रिकालाई दिएको अन्तर्वार्तामा बाप्पलेले भनेका छन्, ‘म पेले जत्तिकै कुनै खेलाडीबाट प्रभावित भएको छु भने उनी जिदान हुन् । जिदानले पनि फ्रान्सेली युवा स्ट्राइकर एमबाप्पेको समर्थक रहेको बताएका थिए ।’

पहिलो पटक रियलको प्रशिक्षक हुँदा जिदानले एमबाप्पलेलाई लिने प्रयास गरेका थिए । तर त्यत्तिबेला उक्त प्रयास सफल हुन सकेन । अब कम्तिमा सन् २०२० को समर सम्म पनि एमबाप्पलेलाई कुर्नुपर्ने हुन सक्छ ।

मोनाकोबाट गत सिजन पिएसजीमा पुगेका उनले त्यहाँ उच्च प्रदर्शन गरिरहेका छन् । उनले पिएसजीका लागि ८२ खेलमा ५४ गोल गरिसकेका छन् । रियलले अहिले पनि उनलाई भित्राउने प्रयासमा रहेको बताइएको छ । रियलका अध्यक्ष फ्लोरिटिनो पेरेजले एमबाप्पेलाई लिन २ सय ८० मिलियन युरो खर्च गर्ने गरि स्वीकृति दिइएको बताइएको छ ।