एजेन्सी – युरोपेली फुटबलमा अब सिजनको अन्त्य नजिकिंदै गइरहेको छ । घरेलु कप प्रतियोगिताहरुमा फाइनल पुग्ने टोली तय भैसकेका छन् भने च्याम्पियन्स लिग र युरोपा लिगमा पनि अन्तिम ४ टोलीको छिनोफानो केहि सातामै हुनेछ । घरेलु लिगको विजेता बन्ने पनि छाँटकाँट देखिन थालिसकेको छ ।

यस्तो अवस्थामा लिगको महत्त्वपूर्ण स्थानहरुको लागि प्रतिस्पर्धा पनि उच्च विन्दुमा पुगेको छ । रेलिगेसन क्षेत्रदेखि उपाधि भिडन्तसम्म टोलीहरुको प्रतिस्पर्धा रोमान्चक बन्दै गइरहेको छ । क्लबहरुले खेलाडीहरुमाथि अझै बढी विश्वास राख्न थालेका छन् । यस्तो महत्त्वपूर्ण मोडमा केहि खेलाडीहरु भने चोटका कारण उपस्थित रहनेछैनन् । सिजनको अन्तिम भागलाई गुमाउने केहि खेलाडी यसप्रकार छन् :

६. अक्रफ हाकिमी
क्लब : बोरुसिया डर्टमुन्ड
पोजिसन : डिफेन्डर
चोट : दायाँ खुट्टा भाँचिएको

५. हेक्टर बेलेरीन
क्लब : आर्सनल
पोजिसन : डिफेन्डर
चोट : लिगामेन्ट च्यातिएको

४. लुकास हर्नान्डेज
क्लब : एटलेटिको म्याड्रिड
पोजिसन : डिफेन्डर
चोट : दायाँ घुँडाको लिगामेन्ट समस्या

३. राफिन्हा
क्लब : बार्सिलोना
पोजिसन : मिडफिल्डर
चोट : क्रुसिएट लिगामेन्ट च्यातिएको

२. जेओफ्री कोन्डोग्बिया
क्लब : भ्यालेन्सिया
पोजिसन : मिडफिल्डर
चोट : बायाँ तिघ्रा चोट

१. एलेक्स अक्स्लेड चेम्बरलिन
क्लब : लिभरपुल
पोजिसन : मिडफिल्डर
चोट : दायाँ घुँडा