5 years ago
April 7, 2019
एजेन्सी – बोरुसिया डर्टमन्डमाथि फराकिलो जित निकाल्दै साविक विजेता बायर्न म्युनिख जर्मन बुन्डेसलिगाको शीर्ष स्थानमा उक्लिएको छ ।
बुन्डेसलिगा अन्तर्गत शनिबार राति भएको खेलमा बायर्नले बोरुसिया डर्टमन्डमाथि ५–० को फराकिलो जित निकालेको हो । फराकिलो जितसँगै बायर्नले शीर्ष स्थानमा एक अंकको अग्रता बनाएको छ ।
यससँगै बुन्डेस लिगामा ६ चरणको खेल बाँकी रहँदा उपाधि होड थप रोमाञ्चक बनेको छ । शीर्षस्थानको बायर्नको २८ खेलबाट २० जित र समान ४ बराबरी र ४ हारबाट ६४ अंक पुगेको छ । समान खेलबाट डर्टमन्ड १९ जित ६ बराबरी र ३ हारबाट ६३ अंक जोडेर दोस्रो स्थानमा रहेको छ । शीर्ष दुई टोलीबीचको खेल प्रतिस्पर्धात्मक हुने अपेक्षा गरिएपनि बायर्नले घरेलु मैदानमा एकतर्फी नतिजा निकाल्न सफल भयो ।
खेलको सुरुवातदेखि नै आक्रमक फुटबल खेलेको बायर्नको फराकिलो जितमा रोबर्ट लेवान्डोस्कीले दुई तथा माट हमेल्स, जेभियर मार्टिनेज र सर्जी गनाब्रीले समान १ गोल गरे । बायर्नले खेलको १०औं मिनेटमा हमेल्सको गोलबाट अग्रता बनाएको थियो । १७औं मिनेटमा रोबर्ट लेवान्डोस्कीले गोल गर्दै बायर्नको अग्रता दोब्बर बनायो । ४१औं मिनेटमा जेभियर मार्टिनेज र ४३औं मिनेटमा सर्जी गनाब्रीले गोल गरेपछि बायर्न पहिलो हाफमा ४–० को मजवुत अवस्थामा पुगेको थियो ।
दोस्रो हाफमा डर्टमन्डले सुधारिएको खेल पस्केपनि गोल गर्न असफल हुदा एक गोल खान पुग्यो । ८९औं मिनेटमा रोवर्टले व्यक्तिगत दोस्रो तथा टिमका लागि पाँचौ गोल गर्दै बायर्नलाई ५–० को फराकिलो जित दिलाए ।
September 20, 2024
काठमाडौं (हाम्रो खेलकुद) – एन्फा महिला लिगमा अपराजित रुपमा शीर्ष स्थानमा रहेको विभागीय टोली नेपाल एपिएफ क्लबले कोशी प्रदेशसँग खेल्दैछ । लिगमा शुक्रवार हुने २ खेलको पहिलो खेलमा एपिएफ कोशीसँग खेल्दैछ । एन्फा कम्प्लेक्स सातदोबाटोमा खेल दिउँसो १२ः३० बजे सुरु हुनेछ । एपिएफ ६ खेलमा १६ अंकका साथ लिगको शीर्ष स्थानमा छ । कोशीलाई हराउँदै […]
September 19, 2024
सुमन अधिकारी,बुटवल झरना स्पोर्टस क्लबको आयोजनामा रुपन्देहीमा जारी ३६ औं झरना रनिङ शिल्ड फुटबल प्रतियोगितामा बिहीवार कपिलवस्तु -११ ले जित निकाल्दै अन्तिम आठमा पुगेको छ । समूह बीको खेलमा नवयुवा खेलकुद तथा सांस्कृतिक परिवारलाई ६-० ले पराजित गर्दै कपिलवस्तु क्वाटरफाइनलमा पुगेको हो । कुन्जलापुरस्थित उमा निमाविको फुटबल मैदानमा भएको खेलको ११ औ मिनेटमा कपिलवस्तुका कप्तान […]
September 19, 2024
सुशील पन्त क्षेत्री, चितवन गोल्डेन इमिनेन्ट दोस्रो चितवन गोल्डकपमा सूर्यपुर एफसीले विजयी सुरुवात गरेको छ । आज सुरु भएको प्रतियोगिताको उद्घाटन खेलमा सूर्यपुरले बागमती युवा क्लब सर्लाहीलाई पराजित गरेको हो । प्रतिस्पर्धात्मक खेलमा सूर्यपुर सडन डेथमा विजयी भयो । त्यसअघि निर्धारित समयको खेल १-१ को बराबरीमा सकिएको थियो । खेलको २४ औं मिनेटमा हिसुब थपलियाको […]
