म्याड्रिड (एजेन्सी)– रियल म्याड्रिडका पूर्व मिडफिल्डर गुटीले पूर्व सहकर्मी क्रिस्टियानो रोनाल्डो र बासिलोनाका स्टार लियोन मेस्सीको बीचको तुलना गर्दै फरक छुट्टाउने कोशिस गरेका छन् ।

यी दुई सुपर स्टार मैदान उत्रेपछि केहि न केहि स्मरण योग्य प्रदर्शन गर्ने भएकाले त्यसले खेलको रौनकतालाई बढाउने विश्वास गरिन्छ । गुटीले यी दुई खेलाडीको स्तर, आत्मविश्वासको विषयमा पनि तुलना गरेका छन् । रोनाल्डो र मेसीलाई विश्व फुटबलको महान खेलाडीका रुपमा हेरिन्छ ।

दुई खेलाडी मध्ये को उत्कृष्ट भन्ने विषयमा गुटीले भने, ‘दुवै उत्कृष्ट छन् । एक जना छान्नुपर्दा मेसी रोजाईमा पर्नेछ न् । तर रोनाल्डोले जति प्राप्त गरेका छन् त्यसले उनलाई उत्कृष्ट खेलाडी बनाइएको छ, ‘ उनले थपे, ‘मेसी बढी प्रतिभावान छन् । रोनाल्डो बढी गोल गर्न सक्छन् । एकदमै महत्वकाक्षी र मेहनतले तयार भएका खेलाडी हुन् ।’

पाँच पटक बालोन डी ओर जितेका उनले रियलमा जस्तो प्रदर्शन गरे त्यसले उनलाई रियलमा आफुलाई महत्वपूर्ण खेलाडी हुन् पुष्टि गरेको थियो । टर्किस क्लब बेसिकटासका सहायक प्रशिक्षक गुटीलेले भविष्यमा रियल जान चाहेको बताएका छन् । ‘ रियल छाड्ने बेलामा नै मैले भनेको थिए । मैले आफुलाई विकसित गर्नुछ । म रियलको मुख्य प्रशिक्षक बन्न चाहन्छु । अर्को सिजन त्यहाँ जानु मेरो लक्ष्य हो’, उनले भने, ‘मैले जहिले भनेको छु । म रियलको बेन्चमा बस्न चाहन्छु ।’