6 years ago
March 26, 2019
काठमाडौं (हाम्रो खेलकुद) – नेपाली यू-२३ राष्ट्रिय पुरुष फुटबल टोलीले एएफसी यू-२३ च्याम्पियनसिपको छनोट चरण अन्तर्गत समूह ‘ए’ को अन्तिम खेलमा मंगलबार अफगानिस्तानको सामना गर्दैछ । खेल नेपाली समयानुसार रातको ९:४५ बजे सुरु हुनेछ ।
सुरुवाती दुई खेलमा पराजित भएको नेपाली टोलीले अफगानिस्तानविरुद्ध खेलका लागि टोलीमा एक परिवर्तन गरेको छ । रक्षात्मक मिडफिल्डर गौरव बुढाथोकीको स्थानमा विंगर विश्वास श्रेष्ठले टोलीमा अवसर पाएका छन् । पहिलो खेलमा नेपाल ओमानसँग १-० ले पराजित भएको थियो । दोस्रो खेलमा आयोजक कतारसँग ५-० ले हारेपछि नेपालको अन्तिम चरण पुग्ने सम्भावना सकिएको थियो ।
अफगानिस्तान पनि प्रतियोगिताको सुरुवाती दुई खेलमा पराजित हुँदै समूह चरणबाट बाहिरिसकेको छ । अफगानिस्तान पहिलो खेलमा कतारसँग २-० र ओमानसँग २-१ ले पराजित भएको थियो । नेपालले सुरुवाती दुई खेलमा रक्षात्मक रणनीति अपनाएपनि यस खेलमा भने आक्रामक खेल प्रस्तुत गर्ने अपेक्षा गरिएको छ ।
अफगानिस्तानविरुद्ध टोली :
गोलरक्षक : अर्पण कार्की
डिफेन्डर : अनन्त तामाङ, सुमन अर्याल, दिनेश राजवंशी, कमल श्रेष्ठ
मिडफिल्डर : तेज तामाङ, नितिन थापा, सुनील बल, विश्वास श्रेष्ठ
फरवार्ड : विमल घर्तीमगर र अन्जन विष्ट
November 16, 2024
एजेन्सी – दक्षिण अमेरिकी विश्वकप छनोटमा शनिवार उरुग्वेले कोलम्बियालाई ३- २ हराएको छ। उरुग्वेको जित दिलाउन म्यानुएल उगारटेले इन्ज्युरी समयको ११ औं मिनेटमा निर्णायक गोल गरे । खेलमा अग्रता पनि कोलम्बियाले नै लिएको थियो । जुवान फर्नान्डो क्विन्टेरोले ३१ औं मिनेटमा पहिलो गोल गरे । त्यसपछि ५७ औं मिनेटमा डाभिन्सन सान्चेजले आत्मघाती गोल गरेपछि खेलमा १-१ को बराबरी […]
November 16, 2024
एजेन्सी – क्रिस्टियानो रोनाल्डोको २ गोलसँगै पोर्चुगल फराकिलो जितका साथ नेसन्स लिग फुटबलको क्वार्टरफाइनलमा स्थान पक्का गरेको छ । अपराजित रहँदै क्वाटरफाइनल पुगेको पोर्चुगलले शुक्रवार पोल्यान्डलाई ५-१ ले हरायो । मैदानमा भएको खेलमा पोर्चुगलको जितमा रोनाल्डोबाहेक राफेल लेओ, ब्रुनो फर्नान्डेज र पेड्रो नेटोले गोल गरे । पोर्चुगल लिग ए को समूह १ मा ५ खेलमा […]
November 15, 2024
एजेन्सी – इंग्ल्यान्ड र आयरल्याण्डले नेसन्स लिगमा बिहीवार विजयी छन् । लिग बी समूह २ को खेलमा इंग्ल्यान्डले ग्रिसलाई ३-० ले हरायो । ओली वाट्किन्सले सातौं मिनेटमा गोल गर्दै इङ्ग्ल्यान्डलाई अग्रता दिलाए। ७७ औं मिनेटमा ग्रिसका गोलकिपर ओडेसेस भ्लाचोडिमोसको आत्मघाती गोलमा इङ्ग्ल्यान्डको अग्रता दोब्बर भयो। कर्टस जोन्सले ८३ औं मिनेटमा गोल गरेपछि इङ्ग्ल्यान्डको जित सहज […]
