6 years ago
March 22, 2019
काठमाडौं (हाम्रो खेलकुद) – नेपाली पुरुष राष्ट्रिय फुटबल टोलीले शुक्रबार कुवेतविरुद्ध मैत्रीपूर्ण खेलमा गोलरहित बराबरीको नतिजा हासिल गर्यो । नवनियुक्त प्रशिक्षक योहान कालीनले कुवेतविरुद्ध ५ नयाँ खेलाडीलाई मैदान उतारे ।
कालीनले पहिलो रोजाइमा नै डिफेन्डर अजित भण्डारीलाई मौका दिएका थिए । नेपाल पुलिस क्लबबाट व्यावसायिक फुटबल खेल्दै आएका अजितले प्रशिक्षणमा प्रभावशाली प्रदर्शन गरेपछि डिफेन्सको मध्यभागमा देवेन्द्र तामाङसँग खेलेका थिए । खेल अवधिभर नेपाली टोली कुवेतको आक्रमण विफल पार्न नै व्यस्त रहँदा अजितले पनि सन्तोषजनक प्रदर्शन गरे ।
पुलिसकै मिडफिल्डर रवी पासवानले पनि कुवेतविरुद्ध डेब्युको अवसर पाए । रवीले खेलको ६१ औं मिनेटमा सुमन लामाको स्थानमा मैदान प्रवेश गर्दै राष्ट्रिय टोलीबाट डेब्यु गरेका हुन् । राष्ट्रिय टोलीमा परेको पहिलो अवसरमा नै रवीले डेब्यु गर्ने मौका पाएका हुन् । रवीले खेलको ६१ औं मिनेटमा सुमन लामाको स्थानमा मैदान प्रवेश गर्दै राष्ट्रिय टोलीबाट डेब्यु गरेका हुन् । राष्तिर्य टोलीमा परेको पहिलो अवसरमा नै रवीले डेब्यु गर्ने मौका पाएका हुन् ।
नेपाल पुलिस क्लबबाट व्यावसायिक फुटबल खेल्दै आएका रवीले यसअघि मनाङ मर्स्याङदी क्लबबाट पनि खेलिसकेका छन् । उनले मोफसलको प्रतियोगिताहरुमा उत्कृष्ट प्रदर्शन गर्दै राष्ट्रिय टोलीको यात्रा तय गरेका हुन् । रवीले धनगढीको खप्तड गोल्डकपमा सर्वोत्कृष्ट खेलिद घोषित हुँदै स्कुटर पनि जितेका थिए ।
फरवार्ड विमल रानाले पनि कुवेतविरुद्ध खेल्दै राष्ट्रिय टोलीबाट डेब्यु गरे । खेलको ७३ औं मिनेटमा नवयुग श्रेष्ठको स्थानमा मैदान प्रवेश गर्दै विमलले डेब्यु गर्ने अवसर प्राप्त गरे । उनले राष्ट्रिय टोलीमा परेको पहिलो अवसरमा नै मैदान प्रवेश गरेका हुन् । लिग च्याम्पियन मनाङ मर्स्याङदी क्लबका लागि खेल्दै आएका विमलले पछिल्लो समय विदेशी खेलाडीको उपस्थितिमा पनि क्लबमा प्रभावशाली प्रदर्शन गरेका थिए ।
मनाङका डिफेन्डर सुरज विकले पनि डेब्युको अवसर पाए । सुरजले अजित भण्डारीको स्थानमा ८३ औं मिनेटमा मैदान छिर्दै राष्ट्रिय टोलीका लागि पहिलो खेल खेले । नेपाल पुलिस क्लबमा रहँदा केहि समय नियमित राष्ट्रिय टोलीको क्याम्पमा परेका सुरज अन्तिम टोलीमा भने पहिलो पटक परेका हुन् ।
त्यसअघि मिडफिल्डर सन्तोष तामाङले पनि पहिलो पटक राष्ट्रिय टोलीको जर्सी पहिरिए । खेलको ८१ औं मिनेटमा सन्तोषले भरत खवासको स्थान लिँदै मैदान प्रवेश गरे । त्रिभुवन आर्मी क्लबका सन्तोष पछिल्लो समय आर्मीको मुख्य खेलाडीका रुपमा स्थापित हुँदै आएका छन् ।
March 19, 2025
सुशील पन्त क्षेत्री, चितवन फराकिलो जित निकाल्दै एपिएफ फुटबल क्लब चितवनमा जारी राष्ट्रिय महिला फुटबल प्रतियोगिताको फाइनलमा प्रवेश गरेको छ । पहिलो सेमिफाइनलमा आज भरतपुर २४ लाई ११-० ले हराउँदै एपिएफ उपाधि नजिक पुगेको हो । भरतपुर ७ कृष्णपुर मैदानमा भएको खेलमा एपिएफको जितमा अनिता केसी र रश्मिकुमारी घिसिङले समान ४ गोल गरे । प्रीति […]
March 19, 2025
काठमाडौं (हाम्रो खेलकुद) – शहिद स्मारक बी डिभिजन लिगमा बाँसबारी युथ क्लबले रानी पोखरी कर्नर टिम (आरसीटी) लाई रोमाञ्चक खेलमा ४-२ गोल अन्तरले हराएको छ । बाँसबारीको यो पहिलो जित हो भने आरसीटी लगातार दोस्रो हार बेहोर्न पुग्यो । एन्फा कम्प्लेक्समा आज भएको खेलमा बांशबारीले २५ मिनेट भित्र दुई गोल गर्यो । १६ औं मिनेटमा […]
March 19, 2025
काठमाडौं (हाम्रो खेलकुद) – शहिद स्मारक बी डिभिजन लिगमा ब्वाइज युनियन र टुसाल युथ क्लबबीचको खेल गोलरहित बराबरीमा सकिएको छ । दुवैको यो लगातार दोस्रो बराबरी नतिजा हो । एन्फा कम्प्लेक्समा आज भएको खेलमा दुवै टिमले पाएको मौका सदुपयोग गर्न सकेनन् । पहिलो हाफ गोलरहित बराबरीमा सकियो । दोस्रो हाफमा पनि गोल हुन सकेन । […]
