काठमाडौं, वैशाख १६ –

भारतमा भएको १२ औं दक्षिण एशियाली खेलकुद सागमा स्वर्ण पदक विजेता खेलाडीलाई उज्यालोले नगद पुरस्कारसहित सम्मान गरेको छ । उज्यालो नाइन्टी नेटवर्क र उज्यालो अनलाइनको मातृ संस्था कम्युनिकेशन कर्नरले आफ्नो १८ औं वार्षिक उत्सवको अवसरमा सागका स्वर्ण पदक विजेता खेलाडीलाई सम्मान गरेको हो ।

फुटबलतर्फ स्वर्ण पदक जित्ने टिमलाई ५० हजार रुपैया तथा उसुकी स्वर्ण विजेता निमा घर्ती मगर र जुडोकी स्वर्ण पदक विजेता फुपु ल्यामुखत्रीलाई जनही १० हजार रुपैयाा नगद पुरस्कारसहित सम्मान गरिएको हो । खेलाडीहरुलाई सूचना तथा सञ्चार मन्त्री शेरधन राईले नगद हस्तान्तरण गर्नुभएको थियो । फपु तालिमका क्रममा हंगेरीमा रहेकीले उनको तर्फबाट नगद पुरस्कार दिदी डोल्माले थापेकी थिइन् ।

सागको फुटबल फाइनलमा भारतलाई हराउादै नेपालले स्वर्ण पदक जिते लगत्तै उज्यालोले खेलाडीलाई नगदसहित सम्मान गर्ने घोषणा गरेको थियो । त्यहि घोषणा अनुसार खेलाडीलाई नगदसहित सम्मान गरिएको कम्युनिकेशन कर्नरका कार्यकारी अध्यक्ष गोपाल गुरागाईंले बताए । नगद पुरस्कारसहित सम्मानित भएपछि नेपाली फुटबल टिमका कप्तान विराज महर्जनले यो सम्मानले आफूहरुलाई खुसी लागेको र हौसला बढेको बताए । ‘हाम्रो हौसला बढाउन सम्मान गनुभएको धन्यवाद ।’ उनले भने ‘हामीले अझै मेहनत गरेर तपाईंहरुलाई अझै धेरै खुसी दिने छौं ।’