6 years ago
March 17, 2019
एजेन्सी – रेलिगेसन जोनको फुलहममाथि संघर्षपुर्ण जित निकाल्दै लिभरपुल इंग्लिस प्रिमियर लिग फुटबलको शीर्ष स्थानमा उक्लिएको छ ।
प्रिमियर लिग अन्तर्गत आइतबार राति भएको खेलमा लिभरपुलले फुलहमाथि २–१ को संघर्षपुर्ण जित निकालेको हो । जितसँगै लिभरपुलले ३१ खेलबाट ७६ अंक जोड्दै लिगको शीर्ष स्थानमा उक्लन सफल भएको हो । लिभरपुलले एक खेल कम खेलेको म्यानचेस्टर सिटीलाई २ अंकले पछि पारेको हो ।
फुलहमको मैदानमा लिभरपुलले खेलको २६औं मिनेटमा साडियो मानेको गोलबाट अग्रता बनाएको थियो । मानेले ब्राजिली रोबर्टाे फिर्मिनोको सुन्दर ब्याक हिल पासमा उत्तिकै सुन्दर फिनिस गरेका थिए । ३५औं मिनेटमा एन्ड्रिउ रोबर्टसनको प्रहारलाई फुलहमका गोलरक्षकले बचाएका थिए ।
५६औं मिनेटमा फाविन्होको प्रहारलाई गोलरक्षकले बचाए । ६४औं मिनेटमा फ्लोएडले गोल गरेपनि रेफ्रीले अफसाइडको इसारा गरे ।
७४औं मिनेटमा गोलरक्षक र डिफेन्डरबीच तालमेल नमिल्दा लिभरपुलका पुर्व खेलाडी रायन बावेलले गोल गर्दै खेललाई बराबरीमा ल्याए । कप्तान जेम्स मिल्नरको खराव क्लियरेन्सलाई अर्काे डिफेन्डर भान डाइक ढिला गरी हेडमार्फत ब्याक पास दिदा बाबेलले लिभरपुलका गोलरक्षक इलिसन बेकरले भेट्न नपाउदै वान टचमा गोल गर्दै खेललाई १–१ गोलको बराबरीमा ल्याएका थिए ।
८०औं मिनेटमा लिभरपुलले खेलमा अग्रता बढाउने मौका पायो । फुलहमका गोलरक्षक सर्जियो रिकोले मानेलाई फल गरेपछि रेफ्रीले लिभरपुललाई पेनाल्टीको मौका दिएको थियो । जसलाई कप्तान मिल्नरले कुनै गल्ती नगरी गोल गरे । त्यसपछि पनि लिभरपुलले केही मौका पाएपनि सदुपयोग गर्न नसक्दा फुलहममाथि २–१ को संघर्षपुर्ण जित निकायो सफल भयो ।
लिभरपुलसँगको हारसँगै फुलहम भने रेलिगेसनमा पर्ने पक्का भएको छ । प्रिमियर लिगमा ७ खेल बाँकी रहँदा फुलहमले ३१ खेलबाट १७ अंक जोडेको छ । जुन रेलिगेसन नहुनेभन्दा १३ अंक कम हो । बर्नली ३० अंकसहित रेलिगेसन जोनभन्दा एक स्थान माथि छ ।
March 22, 2025
सुशील पन्त क्षेत्री, चितवन एपिएफ एससीले चितवनमा राष्ट्रिय महिला फुटबल प्रतियोगिताको उपाधि जितेको छ । भरतपुरको कृष्णपुरको मैदानमा भएको फाइनलमा त्रिभुवन आर्मी फुटबल क्लबलाई टाइब्रेकरमा ४-२ ले हराउँदै एपिएफ च्याम्पियन बनेको हो । निर्धारित ८० मिनेटको खेल १-१ को बराबरीमा टुंगिएपछि खेलको निर्णय टाइब्रेकरमा भएको थियो। प्रतिस्पर्धात्मक खेलमा एपिएफले उत्कृष्ट पुनरागमन जित निकाल्यो । खेलमा […]
March 22, 2025
सुमन अधिकारी, बुटवल बुटवलमा २३ औं तिलोत्तमा गोल्ड कप नकआउट फुटबल प्रतियोगितामा शनिवार सुरु भएको छ । उद्घाटन खेलको पहिलो हाफमा आयोजक करेन्ट रुपन्देही ११ विरुद्ध एपिएफ एफसीले १- ० गोलको अग्रता लिएको थियो । प्रतिस्प्रर्धात्मक खेलको १७ औ मिनेटमा हरि कार्कीले गोल गर्दै एपिएफलाई अग्रता दिलाएका हुन् । दोस्रो हाफ सुरु भएसको केहि समयमा […]
March 22, 2025
काठमाडौं (हाम्रो खेलकुद)- अन्नपूर्ण आरसिटीको साधारण सभाले अध्यक्ष राजेश श्रेष्ठसहित पदाधिकारीलाई निर्विरोध निर्वाचित गरेको छ। सहिद स्मारक लिग ‘ए’ डिभिजनको छ पल्टको विजेता अन्नपूर्ण आरसिटीको शनिवार नयाँ कार्यसमितिका लागि भएको चुनावी साधारण सभाले उपाध्यक्षमा कुमार राजभण्डारी र नरेन्द्रबहादुर श्रेष्ठलाई निर्वाचित गरेको छ। त्यस्तै सचिवमा रजेन्द्रप्रसाद श्रेष्ठ, सहसचिवमा अशोक मानन्धर तथा कोषाध्यक्षमा नरेश बैद्य निर्विरोध चयन […]
