दिपक बोहोरा, इलाम

पाहुना टोली क्यामरुनको दाउफिन्स फुटबल क्लब इलाममा जारी माइभ्याली गोल्डकपको उपाधि नजिक पुगेको छ । शनिबार नेपाल पुलिस क्लबलाइ २–० ले हराउदै दाउफिन्स उपाधिको नजिक पुगेको हो ।

दाउफिन्स माइभ्याली गोल्डकपमा पहिलो पटक सहभागीता जनाएको हो । मनाङ मर्स्याङदि क्लबले आन्तरीक कारण देखाउदै सहभागी नहुने भए पछि आयोजकले दाउफिन्सलाइ सहभागी गराएका थिए । दाउफिन्सले उपाधिको लागी भोली हुने हिमालयन शेर्पा क्लब र मेत्रि नेत्रालय काकरभिक्ता झापा बिचको बिजेता संग प्रतिस्पर्धा गर्ने छ । दाउफिन्सले नेपाल पुलिसलाई यस अघि बुटबलमा भएको तिलोतमा गोल्डकपमा पनि हराएको थियो ।

शनिबार इलामको ठुलो टुडिखेलमा भएको खेलमा खेलको १७ औं मिनेटमा अहोण्डा इसाको फ्रिकिकलाई टिनाटिनाले हेडरमार्फत गोल गर्दै टिमलाई सुरुवाती अग्रता दिलाएका थिए । दाउफिन्सका खेलाडीलाई पुलिसका खेलाडीले फाउल गरे पछि दाउफिन्सले फ्रिकिक पाएको थियो ।

सुरुवातदेखि नै पुलिसमाथि दवाव सिर्जना गरेको दाउफिन्सले खेलको ७१ औं मिनेटमा अहोण्डा इसाले गोल गर्दै दाउफिन्सलाई फाइनलको यात्रा तय गरे । खेल अवधि भर खेलमा फर्कने प्रयास गरे पनि पुलिस सफल भएन । ।खेलको म्यान अफ द म्याच विजेता दाउफिन्सका टिनाटिना घोषित भए । उनले नगद १० हजार रुपैयाँ प्राप्त गरे ।

प्रतियोगिताको फाइनल मंगलबार हुनेछ । २६ फागुनदेखि संचालित प्रतियोगितामा नेपाल, भारत, हङकङ र क्यामरुनका गरि १० टिमको सहभागिता थियो । माइभ्याली फुटबल क्लबको आयोजनामा जारी प्रतियोगिताका विजेताले नगद ७ लाख र उपविजेताले ४ लाख रुपैयाँ पुरस्कार पाउने छन ।

माइभ्याली गोल्डकपमा भोलीको खेल : हिमालयन शेर्पा क्लब काठमाडौं र मेची नेत्रालय झापा