एजेन्सी – युरोपियन क्लब फुटबलको सबैभन्दा ठुलो प्रतियोगिता यु्इएफए च्याम्पियन्स लिग फुटबलको प्रि–क्वाटरफाइनलमा इंग्लिस क्लब म्यानचेस्टर सिटीले जर्मन क्लब साल्के–४ को सामना गर्दैछ । खेल सिटीको मैदानमा आज राति १ः३० बजेपछि हुनेछ ।

पहिलो लेगमा सिटीले साल्केमाथि ३–२ को जित निकालेको थियो । सिटी आफ्नो मैदानमा यही जितलाई निरन्तरता दिने लक्ष्यमा मैदान उत्रनेछ । लगातार उच्च प्रदर्शन गरिरहेको सिटी साल्केविरुद्ध हावी हुने अनुमान गरिएको छ । सिटीले पछिल्ला पाँच खेलमध्ये एक मात्रै बराबरी खेलेको छ ।

सिटीले पछिल्ला १० खेलमा जर्मन प्रतिद्धन्द्धीविरुद्ध एक खेलमा हार बेहोरेको छ । सिटीले २०१३–१४ को सिजनको समूह चरणमा सिटीले बायर्न म्युनिखसँग १–३ को हार बेहोरेको थियो । त्यसयताका जर्मन प्रतिद्धन्द्धीविरुद्धको भेटमा सिटीले हार भोगेको छैन । त्यसैले पनि सिटी साल्केविरुद्ध हावी हुने देखिएको छ । सिटीका सर्जियो अगुइरो, लिरोए साने, रहिम स्ट्रलिङ, रयिाद महारेज, इकए गुन्डोगान, डेभिड सिल्भा र बर्नाडो सिल्भाजस्ता खेलाडीहरु रहेका छन् । सिटीलाई क्वाटरफाइनल चरणमा पुग्न बराबरी पनि पर्याप्त हुनेछ ।

यता, साल्केलाई नकआउट चरणमा पुग्नको लागि सिटीविरुद्ध कम्तीमा पनि २–० को जित आवश्यक छ । बलियो सिटीविरुद्ध उसकै मैदानमा पराजित गर्न साल्केलाई कठिन हुने देखिन्छ । नकआउट चरणमा पुगेपनि साल्केले ९ खेलमा एक खेलमा मात्र जित हात पारेको छ ।