एजेन्सी – स्पेनिस क्लब रियल मड्रिड तथा क्रोएसिुयन मिडफिल्डर लुका मोड्रिचले यो एक साता आफ्नो खेल जीवनको साह्रै नै पीडादायी क्षण भएको बताएका छन् ।

यस सिजनको बालोन डि’ओर विजेता मोड्रिचले रियल एकसातामा सर्मानाक हारसँगै कोपा डेल रे च्याम्पियन्स लिगका प्रि–क्वाटरफाइनलबाट बाहिरिएसँगै यस्तो बताएका हुन् । रियल कोपा डेल रेको सेमिफाइनलमा बार्सिलोनासँग तथा च्याम्पियन्स लिगमा आयाक्ससँग पराजित हुदै दुई उपाधिबाट बिमुख बनेको थियो । दुई उपाधिबाट बाहिरिएपछि रियलका प्रशिक्षका सान्टियागो सोलारीमाथि पनि दवाव बढेको छ ।

स्टार मिडफिल्डर मोड्रिचले सामाजिक सञ्जाल ट्वीटरमा पोस्ट गर्दै यो एक साता आफ्नो खेल करियरकै सबैभन्दा पीडादायी क्षण भएको लेखेका छन् । ‘यो एक साता मेरो खेल करियरको सबैभन्दा पीडादायी क्षण बन्यो । ‘सफलता कहिल्यै झुक्दैन । तर, समय बढ्दै जादा भत्किएको हुन्छ । हला मड्रिड ।’ यस्तो हार हामीले सोचेका थिएनौ । हारबाट पाठ सिकेका छौं,’ मड्रिडमा रमिरहेका मोड्रिचले भने ।

दुई उपाधिबाट बाहिरिसकेको रियलको ला लिगाको झिनो सम्भावना छ । तर, खराव सिजनबाट गुज्रिएको रियल शीर्षस्थानको बार्सिलोनासँग १२ अंकले तथा दोस्रो स्थानमा शहरी प्रतिद्धन्दी एट्लेटिको मड्रिडसँग ५ अंकले पछि छ ।

च्याम्पियन्स लिगको कीर्तिमानी टोली रियल सन् २००९–२०१० पछि पहिलोपटक प्रि–क्वाटरफाइनलबाट बाहिरिएको हो । रियल २०१३–१४ को सिजन एथलेटिको मड्रिडलाई हराएर च्याम्पियन बनेको थियो २०१५–१६ मा एथलेटिको मड्रिड, २०१६–१७ मा युभेन्टस् र २०१७–१८ मा लिभरपुललाई हराएर मड्रिडले च्याम्पियन्स लिगमा कीर्तिमानी ह्याट्रिक उपाधि जितेको थियो ।

लुका मोड्रिचकै उच्च प्रदर्शनमा क्रोएसियाले रसिया विश्वकपको फाइनलसम्म स्थान बनाएको थियो । सोही प्रदर्शनकै आधारमा क्रोएसियाको कप्तान मोड्रिचले विश्वकपको सर्वाेत्कृष्ट खेलाडी र बालोन डि’ओरको विजेता बनेको थिए । तर, त्यसपछि मोड्रिचको प्रदर्शन खस्कदो छ ।