6 years ago
March 7, 2019
काठमाडौं (हाम्रो खेलकुद) – नेपाली राष्ट्रिय महिला फुटबल टोलीकी नियमित कप्तान अनु लामा यसै महिना विराटनगरमा हुने साफ महिला च्याम्पियनसिपको लागि टोलीमा परेकी छैनन् । मुख्य प्रशिक्षक हरि खड्काले बिहीबार घोषणा गरेको २० सदस्यीय अन्तिम टोलीमा अनुको अनुपस्थितिमा निरु थापाले कप्तानी सम्हाल्नेछिन् ।
फागुन २८ देखि सुरु हुने साफ च्याम्पियनसिपमा नेपालको समूहमा भुटान र बंगलादेश रहेका छन् । अन्तिम टोलीमा ६ खेलाडी यू-१९ उमेर समूहको टोलीका सदस्य हुन् । यसअघि नेपालले हिरो गोल्डकपमा सहभागिता जनाएको २३ सदस्यीय टोलीबाट तीन खेलाडीले अन्तिम छनोटमा स्थान पक्का गर्न सकेनन् । फरवार्ड अनुसँगै मिडफिल्डर विमला चौधरी र डिफेन्डर सुनिता चौधरी टोलीमा पर्न सकेनन् । अनु एपीएफबाट खेल्दै आएकी छिन् भने सुनिता र विमला आर्मीका खेलाडी हुन् ।
प्रशिक्षक खड्काले प्रशिक्षणका दौरान सबै खेलाडीले निकै मिहिनेत गरेको र अन्तिम छनोट गर्न निकै कठिन रहेको बताए । ‘हामीले झापा, इटहरी र विराटनगरमा राखेको प्रशिक्षण क्याम्पमा खेलाडीहरुले निकै मिहिनेत गरे । अन्तिम छनोटको प्रक्रिया निकै कठिन भयो । सबै खेलाडीले आफ्नो उत्कृष्ट प्रदर्शन गरेका कारण छनोट गर्न सहज थिएन,’ एन्फाको वेबसाइटलाई उदृत गर्दै उनले भने,’ हामीले छनोट गरेको टोलीले घरेलु मैदानमा भइरहेको यस ठुलो प्रतियोगितामा सबैलाई गौरवान्वित गर्ने ठाउँ दिने अपेक्षा गरेको छु ।’
नेपालले प्रतियोगिताको उद्घाटन खेलमा फागुन २८ गते भुटानको सामना गर्नेछ । प्रतियोगिताको सम्पूर्ण खेल विराटनगरस्थित सहिद रंगशालामा हुनेछ ।
पूर्ण टोली :
गोलरक्षक – एन्जिला तुम्बापो सुब्बा, अन्जना रानामगर, उषा नाथ
डिफेन्डर – हिराकुमारी भुजेल, गीता राना, पुनम जर्घामगर, अमृता जैसी, कविता धिमाल, पुजा राना, मनमाया लिम्बु
मिडफिल्डर – अनिता बस्नेत, दिपा राई, मन्जली कुमारी योन्जन, शर्मिला थापा, सरु लिम्बु, रेनुका नगरकोटे, अनिता केसी
फरवार्ड – रेखा पौडेल, निरु थापा (कप्तान), सावित्रा भण्डारी
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]