6 years ago
March 5, 2019
काठमाडौं (हाम्रो खेलकुद) – ‘ए’ डिभिजन लिग च्याम्पियन सिग्नेचर मनाङ–मस्र्याङ्दी क्लबले झापा गोल्डकप फुटबल प्रतियोगिता नखेल्ने भएको छ ।
मनाङका महासचिव अनिल गुरुङले एएफसी कपको तयारी गर्नुपर्ने भएका कारण झापा गोल्डकप नखेल्ने भएको हाम्रो खेलकुदलाई जानकारी गराए । एएफसी कप अप्रिल ३ बाट हुँदैछ । ‘खेलाडीहरु पनि इन्जुर छन् । आहा रारा गोल्डकपपछि टिमले प्रशिक्षण नै गरेको छैन । प्रशिक्षण नगरी एकैपटक खेल्न जाँदा फेरि पराजित भयो भने, टिमको मनोवल नै घट्न सक्छ,’ महासचिव अनिलले भने, ‘मोफसलमा मनाङले राम्रो नतिजा दिन सकिरहेको छैन । राम्रो नभइरहँदा र मुख्य खेलाडीहरु पनि इन्ज्युरी रहँदा हामीले झापा गोल्डकप नखेल्ने निर्णय गरेका हौं । हामी अब एएफसी कपकै लागि बढी केन्द्रित रहेर प्रशिक्षण गर्नेछौं ।’ उनले टिमले एएफसी कपको लागि बिहीबारबाट प्रशिक्षण सुरु गरिने बताए । प्रशिक्षण एन्फा कम्प्लेक्समा हुनेछ ।
टिमका कप्तान विराज महर्जनले मुख्य खेलाडीहरु घाइते भएको र फेरि खेल्दा घाइते भए टिमलाई नै समस्या हुने भएका कारण झापा गोल्डकप नखेल्ने निष्कर्षमा टिम पुगेको बताए । ‘आउट अफ भ्याली भन्दा पनि हामीलाई अहिले एएफसी कप बढी महत्वपुर्ण छ । हामीले क्लबको रुपमा मात्र नभई नेपालकै प्रतिनिधित्व गरेर एएफसी कप खेल्दैछौं । अहिले हाम्रो लागि एएफसी कप नै बढी महत्वपुर्ण छ,’ कप्तान महर्जनले भने, ‘टिम पनि सेफमा छैन । मुख्य खेलाडी अन्जन विष्ट, प्रकाश बुढाथोकी, कमल श्रेष्ठ र एडिलाजा सोमिडेलगायतका खेलाडीहरु इन्जर छन् । रिकभरी र प्रशिक्षणलाई विशेष फोकस दिनेछौं । एएफसी कप नजिकिदै गर्दा मोफसल खेलेर टिमलाई झनै गाह्रो बनाउने छैनौं ।’
गत पुसमा लिग च्याम्पियन भएयता, मनाङले मदन भण्डारी मेमोरियल इटहरी गोल्डकपको फाइनलमा मात्रै पुग्न सफल भएको थियो ।
खेल तालिका अनुसार मनाङले फागुन २३ गते बिहीबार लाली रूपन्देही–११ सँग क्वाटरफाइनल खेल्ने तालिका रहेको थियो । विजेताले एपीएफ र त्रिभुवन आर्मीबीचको विजेतासँग सेमिफाइनलमा प्रतिस्पर्धा गर्ने तालिका थियो ।
एएफसी कप समूह चरण खेल तालिका :
३ अप्रिल – विरुद्ध अबहानी लिमिटेड – एन्फा कम्प्लेक्स
१७ अप्रिल – विरुद्ध प्लेअफ विजेता – तय हुन बाँकी
१ मे – विरुद्ध मिनेर्भा पन्जाब – कालिंगा रंगशाला
१५ मे – विरुद्ध मिनेर्भा पन्जाब – एन्फा कम्प्लेक्स
१९ जुन – विरुद्ध अबहानी लिमिटेड – बंगबन्धु रंगशाला
२६ जुन – विरुद्ध प्लेअफ विजेता – एन्फा कम्प्लेक्स
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]