6 years ago
March 4, 2019
एजेन्सी – इटालियन सिरी ए को साविक विजेता युभेन्टसले यस सिजन पनि लिग उपाधि रक्षा गर्ने लक्ष्यलाई बलियो पारेको छ । आइतबार दोस्रो स्थानको नेपोलीलाई २-१ ले पराजित गर्दै युभेन्टसले अपराजित यात्रा कायम राख्दै १६ अंकको अग्रता कायम गरेको छ ।
निकै प्रतिस्पर्धात्मक खेलमा दुवै टोलीका एक-एक खेलाडीले रातो कार्ड पाएका थिए । खेलको २५ औं मिनेटमा नेपोलीका गोलरक्षक एलेक्स मेरेटले क्रिस्टियानो रोनाल्डोलाई लडाएपछि रेफ्रीले उनलाई रातो कार्ड देखाए । प्राप्त फ्रिकिकमा मिरालेम प्यानिचले गोल गर्दै युभेलाई अग्रता दिलाएका थिए । पहिलो हाफको ६ मिनेट समय बाँकी रहँदा एमरे च्यानले हेडरमार्फत गोल गर्दै युभेको अग्रता फराकिलो बनाए ।
दोस्रो हाफको २ मिनेट नबित्दै युभेन्टस पनि १० खेलाडीमा सिमित भयो । जानाजान ह्यान्ड गरेको भन्दै रेफ्रीले प्यानिचलाई दोस्रो पहेंलो कार्ड देखाउँदै मैदानबाहिर पठाए । नेपोलीले ६१ औं मिनेटमा अग्रता घटायो । जोसे क्यालेहनले गोल गर्दै नेपोलीलाई खेलमा फर्काउने प्रयास गरे । नेपोलीले खेलको ६ मिनेट बाँकी रहँदा खेल बराबरी गर्ने सुवर्ण अवसर पायो ।
फाबियान रुइजको पास रोक्ने क्रममा एलेक्स स्यान्ड्रोले ह्यान्ड बल गरेपछि रेफ्रीले भीएआरको सहायता लिँदै नेपोलीलाई पेनाल्टी दिएका थिए । तर लोरेंजो इन्सिगनेको पेनाल्टी प्रहार पोस्टमा लागेर फर्कियो । त्यसअघि पिटर जिलेन्सकीले गरेको प्रहार पनि पोस्टमा लागेर फर्कंदा नेपोलीले बराबरी गर्ने अवसर गुमाएको थियो ।
यस जितसँगै युभेन्टसले शीर्ष स्थानमा १६ अंकको अग्रता बनाएको छ । लिगको १२ खेल बाँकी रहेको अवस्थामा युभेन्टसले लगातार आठौं पटक लिग जित्ने सम्भावना बलियो बनेको छ । युभेन्टसको २६ खेलमा ७२ अंक छ । नेपोलीले २६ खेलमा ५६ अंक जोडेको छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]