पेरिस (एजेन्सी)– पेरिस सेन्ट जर्मेन (पिएसजी) का फरवार्ड नेयमारले बार्सिलोनाका पूर्व सहकर्मी लियोन मेसी प्रतिको सम्मानको कारण प्रष्ट पारेका छन् । बार्सिलोना पुगेपछि मेसीले स्पेनिस क्लबमा स्थापित हुन कसरी मद्दत गर्ने भन्ने विषयमा नेयमारले बोलेका छन् ।

बार्सिलोनामा ४ सिजन रहँदा नेयमारले मेस्सी र लुइस स्वारेजसँग सफल साझेदारी निभाएका थिए । उनीहरुको जोडीले २ पटक ला लिगा, एक पटक च्याम्पियन्स लिग उपाधि जितेको थियो ।

बार्सिलोनाबाट गत सिजनको सुरुवातामा नेयमार पिएसजी पुगेका थिए । बार्सिलोना फर्कने विषयमा नेयमारले स्पेन फर्कने सम्भावना कम रहेको बताएका थिए । तर उनले मेसीले आफुलाई गरेको सहयोग भने कहिल्यै भुल्न नसक्ने बताएका छन् ।

‘यो कुरा मैले सबैलाई भनेको छु । जति बेला मलाई सहयोगको जरुरी थियो । त्यहि मान्छे हो जो विश्वकै उत्कृष्ट छ । उसले मलाई माया गरे’, नेयमारले भने, ‘साच्चै कठिन समय थियो । इमान्दार भएर भन्नपर्दा बार्सिलोनामा मेसी मेरो लागि विशेष थिए ।’

उनले बार्सिलोनामा हुँदाको स्मरण गर्दै भने, ‘उनले मसँग कुरा गरे । उनले तिमि यहाँ पनि त्यति नै खुसी हुन सक्छौं । जति सान्तोषमा थियौ भनेका थिए । लाज नमान, क्लबमा मसँग वा अरुसँग डराउन पर्दैन । हामी तिमिलिाई सहयोग गर्छौ । ‘

यदि बार्सिलोनाले नेयमारलाई भित्राउन चाहेको खण्डमा ठूलो रकम खर्च गर्न पर्ने हुनेछ । नेयमार विश्व कीर्तिमानी रकममा बार्सिलोनाबाट पिएसजी पुगेका थिए ।