6 years ago
February 21, 2019
काठमाडौं (हाम्रो खेलकुद)– भारतको गुवाहाटीमा जारी डा। तालिमेरेन टिओ फुटबल च्याम्पियनसिप (यू २१ )को दोस्रो खेलमा एन्फा ११ ले फराकिलो जित हासिल गरेको छ । अभिषेक रिजालले ४ गोल गरेको बिहीबारको खेलमा एन्फाले त्रिपुरा फुटबल टोलीलाई ८–० ले हराएको छ ।
पहिलो हाफमा २–० को अग्रता बनाएको एन्फाले दोस्रो हाफमा मात्र आधा दर्जन गोल थपेको थियो । अभिषेकले चारै गोल दोस्रो हाफमा गरेका थिए । खेलको चौथो मिनेटमा प्रेजन तामाङको गोलबाट एन्फाले अग्रता लिएको थियो । नितिन थापाको पासमा प्रेजनले गोल गरेका थिए । ३१ औं मिनेटमा रेजिन सुब्बाले गोल गरेपछि एन्फाले पहिलो हाफमा २–० को अग्रता लिएको थियो ।
अभिषेकले ५२,६६ र ६९ औं मिनेटमा गोल गर्दै ह्याट्रिक पुरा गरे । उनले चौथो गोल ७८ मिनेटमा गरेका हुन् । त्यसअघि पहिलो गोल गरेका प्रेजनले ६७ ओं र धिरज श्रेष्ठले ७७ मिनेटमा गोल गरेका थिए । अभिषेक खेलको म्यान अफ दी म्याच घोषित भए ।
प्रतियोगिताको पहिलो खेलमा एन्फा टोली मेघालयसँग ३–२ ले पराजित भएको थियो । अब एन्फाले शनिबार तेस्रो खेलमा मणीपुरसँग प्रतिस्र्धा गर्नेछ ।
March 17, 2025
एजेन्सी – शीर्ष स्थानको पेरिस सेन्ट–जर्मेन (पिएसजी) फ्रेन्च लिग वानमा दोस्रो स्थानको मार्सेलाई हराएको छ । मार्सेलाई आइतवार ३-१ ले हराउँदै पिएसजी लगातार १३औं फ्रेन्च लिग उपाधि नजिक पुगेको छ । घरेलु मैदानमा पिएसजीको जितमा उस्मान डेम्बेले, नुनो मेन्डेसले गोल गर्दा मार्सेले १ गोल उपहार स्वरुप दियो । मार्सेका लागि अमिन गुइरिले गोल गरे । […]
March 17, 2025
एजेन्सी – कप्तान लिओनल मेसीको गोल गरेको खेलमा इन्टर मायमी अमेरिकाको मेजर लिग सकर(एमएलएस) मा विजयी भएको छ । मायमीले आइतवार भएको खेलमा एट्लान्टा युनाइटेलाई २-१ ले हराएको हो । मर्सिडिज–बेन्ज स्टेडियममा भएको खेलमा मायमीको जितमा मेसी र फाफा पिकाउल्टले गोल गरे । एटलान्टाका लागि इमानुएल लाटे लाथले गोल गरे । खेलमा अग्रता एटलान्टाले लिएको […]
March 17, 2025
एजेन्सी – इटालियन सिरी ए मा शीर्ष स्थानको इन्टर मिलानले तेस्रो स्थानको एटलान्टालाई हराएको छ । जितसँगै इन्टरले लिगमा स्पष्ट ३ अंकको अग्रता लिएको हो । इन्टरले आइतवार एटलान्टामाथि २-० को जित हात पारेको हो । एटलान्टाको मैदानमा इन्टरकस लागि कार्लोस अगस्टो र लउटारो मार्टिनेजले गोल गरे । ५४औं मिनेटमा इन्टरका अगस्टोले गोल गरे । […]
