एजेन्सी – इंग्लिस क्लब चेल्सी र इटालियन क्लब नेपोलीले युरोपा लिग अन्तर्गत राउण्ड अफ ३२ को पहिलो लेगको खेलमा जित दर्ता गरेका छन् ।

चेल्सीले स्विडिस क्लब माल्मोलाई २-१ ले पराजित गर्यो । चेल्सीलाई रस बार्क्लीले ३० औं मिनेटमा सुरुवाती अग्रता दिलाएका थिए । ओलिभिएर जिरुडले दोस्रो हाफको ५८ औं मिनेटमा चेल्सीको अग्रता दोब्बर पारे । ८० औं मिनेटमा घरेलु टोलीका लागि आन्देर्स क्रिस्टियन्सनले गोल गर्दै दोस्रो लेगमा टोलीको सम्भावना जीवित राखे ।

नेपोलीले पनि च्याम्पियन्स लिगको पीडालाई भुलाउने क्रममा एफसी ज्युरीचलाई ३-१ ले हरायो । लोरेन्जो इन्सिगने र जोसे क्यालेहोनले २१ औं मिनेटमा नै नेपोलीलाई २-० ले अगाडी बढाएका थिए । ७७ औं मिनेटमा पिटर जिलेंसकीले अग्रता थप बढाए । सात मिनेट समय बाँकी रहँदा बेन्जामिन कोलोलीले घरेलु टोलीको लागि पेनाल्टीमार्फत सान्त्वना गोल फर्काए ।

युरोपा लिगका अन्य नतिजा :
बाटे बोरिसोभ १-० आर्सनल
क्राजोन्डार ०-० बायर्न लेभरकुसन
गालाटासरे १-२ बेन्फिका
लाजियो ०-१ सेभिल्ला
ओलम्पियाकोस २-२ डिनामो किएभ
रापिड वेन ०-१ इन्टर मिलान
रेन्नेस ३-३ रियल बेटिस
स्लाभिया प्राग ०-० जेंक
सेल्टिक ०-२ भ्यालेन्सिया
क्लब ब्रुज २-१ साल्ज्बर्ग
एफसी ज्युरीच १-३ नेपोली
माल्मो १-२ चेल्सी
शाख्तर २-२ फ्रान्कफर्ट
स्पोर्टीङ लिस्बन ०-१ भिल्लारियल
भिक्टोरिया प्लेजन २-१ डिनामो जाग्रेब