6 years ago
February 6, 2019
पोखरा (हाम्रो खेलकुद)– पल्सर सहिद स्मारक ए डिभिजन लिग च्याम्पियन मनाङ–मस्र्याङ्दी क्लब पोखरामा जारी छैटौ मनकामना पोखरा कप फुटबल प्रतियोगिताको सेमिफाइनलमा प्रवेश गरेको छ । ‘ए’ डिभिजन प्रतिद्धन्द्धी ब्रिगेड ब्वाइज (बिबिसी) लाई टाइब्रकेरमा ५–४ ले हराउँदै मनाङ अन्तिम चारमा पुगेको हो ।
निर्धारित समयको खेल १–१ को बराबरीमा सकिएपछि खेलको निर्णय पेनाल्टी सुटआउटबाट भएको थियो । जसमा मनाङले बाजी मारेको हो । मनाङका कप्तान सुजल श्रेष्ठ, हेमन गुरुङ, कमल श्रेष्ठ, सुरज विके र प्रकाश बुढाथोकी सबैले गोल गरे ।
बिबिसीकासुरज ज्यु ठकुरी, रन्दिप पौडेल, जय गुरुङ र मनोज राईले गोल गरे । सुरुमै पेनाल्टी हानेका पदम भट्टराईको प्रहार मनाङका गोलकिपर विशाल राईले रोके ।
पोखरा रंगशालामा त्यसअघि १६ औं मिनेटमा रितिक खड्काको गोलबाट बिबिसीले खेलमा अग्रता लिएको थियो । ६७औं मिनेटमा मनाङका बिमल रानाले गोल गर्दै खेललाई १–१ को बराबरीमा पु¥याएका थिए । बिबिसीले १० खेलाडीमा सिमिति हुँदै खेलको अन्त्य गरेको थियो ।
पेनाल्टी बक्सबाहिर मनाङका खेलाडीलाई फाउल गरेपछि रेफ्रीले गोलकिपर लक्की कार्कीलाई रातो कार्ड देखाएपछि बिबिसी १० खेलाडीमा सिमित भएको थियो । मनाङका गोलरक्षक विशाल श्रेष्ठ खेलको म्यान अफ दि म्याच घोषित भए । मनाङले फाइनल प्रवेशका लागि डाफिन्स फुटबल परिवार क्यामरुनको सामना गर्नेछ ।
कास्की जिल्ला फुटबल संघको आयोजनामा जारी प्रतियोगिताको बिहीबार हुने पहिलो सेमिफाइनल खेलमा जापानको रिस्सो युनिभर्सिटी र विभागीय नेपाल एपीएफ क्लबबीच प्रतिस्पर्धा हुनेछ । मनकामना पोखरा कपको विजेताले उपाधि ७ लाख ५५ हजार रुपैयाँ प्राप्त गर्नेछ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]